NATO, Berisha i shkruan Presidentit Xhorxh Bush
Kryeministri Berisha i shpreh Presidentit Bush mirënjohjen më të thellë për dy mesazhet e rëndësishme që ai i dërgoi Senatit Më datë 21 nëntor 2008, me anë të të cilave, Presidenti Bush certifikon se anëtarësimi i Shqipërisë dhe Kroacisë në NATO do të sjellë veçse efekte pozitive për Shtetet e Bashkuara të Amerikës dhe sigurinë e saj. Në këto mesazhe, Presidenti Bush i konfirmon Senatit se hyrja e Shqipërisë dhe Kroacisë në NATO nuk do të ndikojë aspak në aftësitë e Shteteve të Bashkuara të Amerikës për të përmbushur kërkesat në fushën e mbrojtjes dhe sigurisë jashtë zonës euroatlantike si dhe inkurajon vendet aleate të mbyllin sa më shpejt procedurat e ratifikimit të Protokolleve të Anëtarësimit të Kroacisë dhe Shqipërisë në NATO. Qeveria shqiptare i vlerëson këto mesazhe të Presidentit Bush si një shprehje tjetër e marrëdhënieve të shkëlqyera midis Shqipërisë dhe aleatit tonë strategjik, Shteteve të Bashkuara të Amerikës, si dhe e miqësisë dhe solidaritetit të ngushtë që ekziston midis kombit shqiptar dhe kombit të madh mik amerikan.
Kontributi për Kosovën, Topi dekoron Grahamin
Presidenti Bamir Topi dekoroi dje ish-ambasadorin Uilliam Graham Uoker me “Medaljen e Mirënjohjes”, për kontributin e rëndësishëm në ndihmë të shqiptarëve të Kosovës, në momentet e vështira dhe vendimtare të historisë së tyre, gjatë krizës humanitare të vitit 1999. Kryetari i shtetit shprehu mirënjohjen për ndihmën e pakursyer dhe të vazhdueshme të Shteteve të Bashkuara dhe qeverisë amerikane dhënë Shqipërisë. Kurse z. Uoker pohoi: “Kam qenë më i njohur në çështjen kosovare, por unë e di shumë mirë se çfarë kuptimi kanë pasur ngjarjet e ‘99-ës për shqiptarët kudo që ata kanë qenë. Meqë këtu është qendra, është zemra e kombit shqiptar, jam me të vërtetë i nderuar duke u nderuar në këtë mënyrë”. “Jam i lumtur që jam këtu, - shtoi ish-ambasadori amerikan, - jam i lumtur që bëj pjesë në këtë komb shqiptar dhe që kam pasur rastin të shijoj shpeshherë mikpritjen e shqiptarëve, e cila është përmbytëse, prandaj edhe ky nder më ka mallëngjyer dhe më ka përmbytur në ndjenja, kështu që ju falënderoj shumë z. President”.
Kontributi për Kosovën, Topi dekoron Grahamin
Presidenti Bamir Topi dekoroi dje ish-ambasadorin Uilliam Graham Uoker me “Medaljen e Mirënjohjes”, për kontributin e rëndësishëm në ndihmë të shqiptarëve të Kosovës, në momentet e vështira dhe vendimtare të historisë së tyre, gjatë krizës humanitare të vitit 1999. Kryetari i shtetit shprehu mirënjohjen për ndihmën e pakursyer dhe të vazhdueshme të Shteteve të Bashkuara dhe qeverisë amerikane dhënë Shqipërisë. Kurse z. Uoker pohoi: “Kam qenë më i njohur në çështjen kosovare, por unë e di shumë mirë se çfarë kuptimi kanë pasur ngjarjet e ‘99-ës për shqiptarët kudo që ata kanë qenë. Meqë këtu është qendra, është zemra e kombit shqiptar, jam me të vërtetë i nderuar duke u nderuar në këtë mënyrë”. “Jam i lumtur që jam këtu, - shtoi ish-ambasadori amerikan, - jam i lumtur që bëj pjesë në këtë komb shqiptar dhe që kam pasur rastin të shijoj shpeshherë mikpritjen e shqiptarëve, e cila është përmbytëse, prandaj edhe ky nder më ka mallëngjyer dhe më ka përmbytur në ndjenja, kështu që ju falënderoj shumë z. President”.