NATO: Shqiperia, ftese nga samiti
Denis Dedej
Shqiperia mund te perfitoje ftesen nga ana e Samitit te Bukureshtit per anetaresimin ne NATO. Ky nuk eshte nje lajm qe qarkullon neper korridoret e Brukselit ne seline qendrore te Aleances se Atlantikut Verior, por e kane pohuar vete perfaqesuesit me te larte te vendeve anetare ne kete organizem ushtarak. Sipas disa ambasadoreve te NATO-s, qe kane zhvilluar konferenca me mediat ne Bruksel, ka konsensus qe NATO te dergoje ftese per tre vendet e kartes se "Adriatik 3". Sipas ambasadorit italian dhe atij spanjoll, ceshtja e emrit midis Maqedonise dhe Greqise eshte nje ceshtje bilaterale, qe pritet te zgjidhet para Samitit Bukureshtit. Por, sipas ambasadorit italian, nuk do te ishte e mundur qe per shkak te bllokimit te Maqedonise te bllokohej edhe ftesa per Shqiperine. Sipas tij, nese ceshtja e emrit nuk zgjidhet deri ne samit, atehere ftesa mund te jepen per Kroacine dhe Shqiperine. Zedhenesi i NATO-s, James Appathuray, ka deklaruar dje, ne nje konference per shtyp, se ne takimin e dites se enjte te ministrave te Jashtem te NATO-s nuk do te kete vendim lidhur me ftesen, por do te behet vetem vleresimi per planin e anetaresimit per tre vendet e "Adriatik 3". Lidhur me veton greke, edhe ambasadori shqiptar prane NATO-s, Artur Kuko, ka thene se gjerat mund te ndryshojne deri edhe ne dy-tre dite para samitit, ndaj duhet pritur deri ne Samitin e Bukureshtit, qe do te zhvillohet ne muajin prill te ketij viti.
Ne te njejten kohe me deklaratat e ambasadoreve te vendeve te NATO-s jane shprehur dhe ekspertet amerikane. "Shqiperia ka bere progres me te madh per anetaresim ne NATO dhe krahas Maqedonise e Kroacise, duhet t'i marre ftesat per anetaresim", ka qene vleresimi i nje grupi ekspertesh amerikane, te cilet deshmuan para Komitetit te Kongresit ne Uashington. Ekspertet amerikane i thane Komitetit te Kongresit se tri vendet e Ballkanit Perendimor, Shqiperia, Maqedonia dhe Kroacia, duhet te perfshihen ne NATO. Ata, gjithashtu, vleresuan se Gjeorgjia dhe Ukraina duhet te lejohen qe te ndermarrin hapin vendimtar per t'iu bashkangjitur NATO-s.
Ekspertet shprehen mendimin konsensual para anetareve te Komitetit te Kongresit, se per Shqiperine, Kroacine dhe Maqedonine duhet te merren parasysh pergatitjet e ftesave per anetaresim. Nderkohe qe zgjerimi i NATO-s dhe takimi i Bukureshtit ishte tema e nje seance deshmish, te organizuar dje nga Komisioni i Helsinkit i Kongresit amerikan. Senatoret dhe ligjvenesit, qe bejne pjese ne kete komision, kishin ftuar studiues te ceshtjeve te Evropes Lindore, te cilet diskutuan mbi perparimin e shenuar nga vendet e Kartes se Adriatikut drejt standardeve per anetaresim ne NATO dhe rendesine qe perben per rajonin e Ballkanit, sidomos pas shpalljes se pavaresise se Kosoves, pranimi i tyre ne aleance.