"Nabucco", më me leverdi se konkurrentët
Drejtori i gjigantit gjerman të energjisë RWE deklaroi së fundmi se sipas analizës së tij, projekti i gazsjellësit "Nabucco" është "opsioni më i lirë" për prodhuesit e gazit në zonën e Kaspikut si mjet transportimi për në Europë. RWE tha se kishte krahasuar të dhëna publike nga projektet rivale, Rryma e Jugut, Interkonektori Greqi-Turqi dhe Gazsjellësi Trans-Adriatik dhe kishte vërejtur se "Nabucco" ofron përfitime shumë më të mëdha.
"‘Nabucco‘ i jep prodhuesve të Kaspikut fitimet më të larta të mundshme për gazin që pritet të eksportojnë, ndërsa ky projekt është shumë më i sigurt si rrugë transporti", tha Stefan Judisch, drejtor i furnizimeve dhe tregtisë në kompaninë gjermane. "Shifrat tona e nxjerrin qartë se projekti ‘Nabucco‘ është më i liri nga të gjitha projektet e Korridorit Jugor në kuptimin e kostos së transportimit të gazit për në Europë", tha ai.
Kjo deklaratë erdhi në të njëjtën kohë kur Sllovenia u bë vendi i fundit europian që nënshkroi me Moskën marrëveshjen për Rrymën e Jugut. Pas marrëveshjes me Slloveninë, Rusia duket se e ka siguruar të gjithë rrugën detare dhe tokësore për projektin e vet. Megjithatë, ekspertët thonë se këmbëngulja e Moskës për Rrymën e Jugut është thjeshtë politike sepse "Nabucco" ofron tarifa 40-73 për qind më të lira, ndërkohë që gazi mund të mbërrijë në treg 10-27 për qind më lirë. Rryma e Jugut synon të kalojë nën Detin e Zi për të lidhur Rusinë e Bullgarinë, gjë që e bën shumë të shtrenjtë ndërtimin, ndërkohë që "Nabucco" kalon nga Azia Qendrore përmes Turqisë dhe Ballkanit në një rrugë tërësisht tokësore. Rusia dëshiron të mbajë peshën kryesore në furnizimin e Europës me gaz, ndërkohë që Brukseli dëshiron një linjë të re krejtësisht larg ndikimit të Rusisë. Disa prej këtyre projekteve do të prekin edhe Shqipërinë në të ardhmen.
"‘Nabucco‘ i jep prodhuesve të Kaspikut fitimet më të larta të mundshme për gazin që pritet të eksportojnë, ndërsa ky projekt është shumë më i sigurt si rrugë transporti", tha Stefan Judisch, drejtor i furnizimeve dhe tregtisë në kompaninë gjermane. "Shifrat tona e nxjerrin qartë se projekti ‘Nabucco‘ është më i liri nga të gjitha projektet e Korridorit Jugor në kuptimin e kostos së transportimit të gazit për në Europë", tha ai.
Kjo deklaratë erdhi në të njëjtën kohë kur Sllovenia u bë vendi i fundit europian që nënshkroi me Moskën marrëveshjen për Rrymën e Jugut. Pas marrëveshjes me Slloveninë, Rusia duket se e ka siguruar të gjithë rrugën detare dhe tokësore për projektin e vet. Megjithatë, ekspertët thonë se këmbëngulja e Moskës për Rrymën e Jugut është thjeshtë politike sepse "Nabucco" ofron tarifa 40-73 për qind më të lira, ndërkohë që gazi mund të mbërrijë në treg 10-27 për qind më lirë. Rryma e Jugut synon të kalojë nën Detin e Zi për të lidhur Rusinë e Bullgarinë, gjë që e bën shumë të shtrenjtë ndërtimin, ndërkohë që "Nabucco" kalon nga Azia Qendrore përmes Turqisë dhe Ballkanit në një rrugë tërësisht tokësore. Rusia dëshiron të mbajë peshën kryesore në furnizimin e Europës me gaz, ndërkohë që Brukseli dëshiron një linjë të re krejtësisht larg ndikimit të Rusisë. Disa prej këtyre projekteve do të prekin edhe Shqipërinë në të ardhmen.