Naco: Opozita do te kthehet shpejt ne Kuvend

Nenkryetari i Kuvendit, Nasip Naco, u shpreh dje optimist se opozita do te rikthehet shume shpejt ne Kuvend. Duke komentuar bojkotin e vazhdueshem te se majtes ne Kuvend dhe komisione, deputeti i LSI, Naco tha se Kuvendi mund t'i drejtohet ne cdo moment Komisionit Qendror te Zgjedhjeve, per te nisur procedurat e zevendesimit te deputeteve socialiste. Por sipas tij, Kuvendi do te prese deri ne dhjetor per ta bere nje gje te tille. "Ka indicie se deputetet socialiste, do t'i japin fund bojkotit ne fund te vitit. Kuvendi mund t'i drejtohet ne cdo moment KQZ-se per te zevendesuar deputetet e pa betuar, pas fitimit te mandatit me 28 qershor, por per kete do te pritet deri ne dhjetor",-tha Naco, per mediat. Ai tha se nuk beson se do te arrihet deri ne zevendesimin e tyre, pasi perpjekjet jane te gjithanshme qe opozita te zere vendin e saj ne Parlament. "Detyrimisht nese do te vazhdoje me rrugen e bojkotit, do te zbatohet si rregullorja e Parlamentit dhe Kushtetuta e Republikes se Shqiperise. Parashikohet qe deputeti duhet te vije dhe te beje betimin. Ne rast se ai i shmanget betimit, atehere sekretariati i perkohshem do t'i drejtohet KQZ me nje relacion, per t'i shpjeguar se nje grup deputetesh apo nje deputet i vecante, nuk pranon te beje betimin, detyrimisht do te zbatohet kodi zgjedhor nga Komisioni Qendror i Zgjedhjeve", beri te qarte Naco. Sipas Kodit Zgjedhor pas shterimit te listes se deputeteve te nje partie, vendet e lena bosh ne Parlament prej saj, zihen nga aleatet brenda te njejtit koalicion. R. R.