Si filloi debati per zevendesimin e deputeteve

Kur te perfundojne te gjitha afatet kushtetuese, kryetarja e Parlamentit do t'i drejtohet KQZ per te zevendesuar deputetet, te cileve iu digjet mandati per shkak te mosparaqitjes ne Kuvend. Duke iu pergjigjur pyetjeve te gazetareve mbi statusin e deputeteve socialiste, te cilet po respektojne vendimin e kryesocialistit per te bojkotuar Kuvendin, Jozefina Topalli, sqaroi se do te respektohet Kushtetuta dhe rregullorja e Kuvendit. Ndersa ish-kryetari i Komisionit Qendror te Zgjedhjeve, Kristaq Kume, deklaroi dy dite me pare per televizionin kombetar "Klan", se Kuvendit i lind e drejta qe sot t'i kerkoje KQZ-se, te nise procedurat per zevendesimin e deputeteve, te cilet nuk kane bere betimin pas mandatit te fituar ne zgjedhjet parlamentare te 28 qershorit. Duke iu referuar Kushtetutes, zoti Kume shpjegon se afati 6-mujore i djegies se mandatit te deputetit, per shkak te mosparaqitjes ne Kuvend eshte efektiv vetem ne rastet, kur ky i fundit pasi i eshte nenshtruar verifikimit nga komisioni i posacem i verifikimit te mandateve, ka bere gjithashtu dhe betimin ne Parlament. Nga ana tjeter kryetari KQZ, Arben Ristani, tha dje se nese ne KQZ do te depozitohet nje kerkese nga Kuvendi, atehere do te zbatohet Kodi Zgjedhor dhe deputetet socialiste qe fituan ne zgjedhjet e 28 qershorit, do te zevendesohen.