Nafta shqiptare "can" tregun nderkombetar
Kompanite e huaja qe merren me nxjerrjen e naftes ne vendin tone kane raportuar rezultate mjaft pozitive nga aktiviteti i vitit 2007. Kanadezja "Bankers Petrolum" ne nje deklarate te djeshme ne permbyllje te bilancit vjetor ka njoftuar se rezervat e naftes ne dispozicion te kompanise jane rritur rreth 19 per qind. Suksesin ne kete drejtim kompania ja dedikon rezultateve pozitive te nxjerrjes se naftes ne zonen Patos-Marinez. Sipas te njejtave burime, rezervat e naftes te nxjerra nga "Bankers Petrolum" arriten ne 54 milione fuci, nga 45 milione fuci qe ishin ne 2006. Sipas bilancit te tregtise me jashte gjate 2007 eksporti i naftes se paperpunuar shenoi nje rritje 144,6 per qind ne krahasim me vitin 2006 me nje vlere monetare 82 milione dollare. Per shkak se nafta nuk ka qene e perpunuar nje fuci eshte vleresuar 59,5 dollare. Sipas te njejtave burime eksporti i naftes ne baze te volumit shenoi 257 mije tone, e cila eshte 91 per qind me shume se ne vitin 2006. Sipas ketyre te dhenave rreth 50 per qind e naftes qe eshte konsumuar ne Shqiperi, u eksportua. Kompania kanadeze, "Bankers Petroleum" per vitin qe shkoi dyfishoi eksportin e naftes pas nje veprimtarie te suksesshme ne bllokun naftembajtes Patos-Marines. Keto rezultate kane bere qe kanadezja, "Bankers Petroleum" te fitoje te drejten ekskluzive per te kerkuar naften ne fushen naftembajtese te Kucoves. Ne 2008, "Bankers" shpreson te arrije 10000 barela nafte ne dite prodhim, duke operuar 130 puse te tjere shtese ne vit. Vlera e investimeve nga mbi 15 kompani te huaja gjate gjithe ketyre viteve ka arritur ne mbi 500 milione USD. Aktualisht, ne nxjerrje nafte punohet ne zonen naftembajtese Patos-Marines, e studiuar qe ne vitet 30-te dhe me pas, ku rezervat gjeologjike te naftes ne te vleresohen, sipas specialisteve, ne rreth 1,3 miliarde tone nafte, sasi e barabarte me 30 milione tone nafte, e vleresuar me 6,5 miliarde usd, por ku ende shfrytezohet rreth 20% e saj, pasi nevojiten investime te rendesishme per teknologjite e nxjerrjes se naftes.