Nano nis me Metën negociatat, Berisha: Kemi kandidatin tonë
Ish-kryeministri dhe ish-kreu i PS-se, Fatos Nano, ka nisur dje takimet me aktoret kryesore politike per kandidimin e tij per president. Pas deklarates se bere dy dite me pare, pasditen e djeshme, Nano eshte takuar per rreth dy ore me kreun e Levizjes Socialiste per Integrim, Ilir Meta. Pas takimit, Nano ka deklaruar se pjese e axhendes se kandidimit te tij jane takimet edhe me aktoret e tjere politike, duke perfshire dhe kreun aktual te PS-se, Edi Rama. I pyetur per nisjen e takimeve me Meten, Nano u shpreh se "partia e Metes eshte per integrim, une dua ta nis me integrimin". Nano ka komentuar dhe reagimin e bere dje nga Kryeministri Sali Berisha, ne lidhje me kandidimin e tij per president. "Ben mire qe nuk sposton axhenden e shpallur per pastrimin e Shqiperise per ndotjen dhe me sa kuptova une nuk bej pjese ne ndotje", - u shpreh Nano. Ish-kryeministri ka folur dhe per faktin qe mes tij dhe kreut te LSI-se ekzistojne angazhime te perbashketa. "Kam deklaruar dhe publikisht, sot nisa dhe turin e konsultave me perfaqesuesit e partive parlamentare, per koincidence qe nisi me zotin Meta qe ka integrimin prioritet ne programin e tij, jemi duke identifikuar me pjekuri dhe qetesi mundesite qe ekzistojne per te ndertuar nje proces konsensual, qe do te ishte me perputhjet qe une kam per axhenden aktuale te integrimit te Shqiperise, ne permbajtjen dhe simboliken e 100-vjetorit te Pavaresise, dhe kemi kuptuar dhe me zotin Meta qe nje politike me konsensuale me integrimin te ishin drejt nje produkti me te mire ne implementimin e strategjive dhe reformave per integrim", - tha dje Nano. Kandidatura e Nanos duket se ka marre mbeshtetjen e kreut te LSI-se, Ilir Meta. I pyetur nga mediat pas takimit, Meta vleresoi figuren e Nanos, duke theksuar se eshte nje politikan qe ka dhene kontribut ne jeten politike shqiptare. "Ai eshte nje politikan qe i ka sherbyer rrotacionit politik. Mbetet i rendesishem kontributi i tij per t'i sherbyer procesit te Bashkimit Europian. Duhet te perfundoje reforma zgjedhore, reforma parlamentare dhe te gjithe reformat e tjera. Eshte garanci per te qene ne dialog me z. Nano, si nje politikan i njohur, i cili, sikurse e dini, ka afirmuar dhe vullnetin e tij per te kontribuar si kandidat per president", - tha dje Meta. Nga ana tjeter, Meta u shpreh se rendesi ne gjithe garen per president nuk ka emri, por procesi i zgjedhjes. "Me i rendesishem se emri i presidentit eshte procesi, klima politike, qe ka nevoje te detoksitohet cdo dite. Presidenti nuk duhet per t'u vene ne funksion te nje pale apo nje pale tjeter, dua te shpreh dhe bindjen time dhe te LSI-se se institucioni i presidentit nuk duhet kuptuar si nje llogore me shume e njeres pale ndaj nje pale tjeter dhe nuk i jep presidentit ate mundesi qe roli i tij te jete ai qe presim te gjithe", - u shpreh Meta.
"Presidenti nuk duhet per t'u vene ne funksion te nje pale apo nje pale tjeter, dua te shpreh dhe bindjen time dhe te LSI-se se institucioni i presidentit nuk duhet kuptuar si nje llogore me shume e njeres pale", - tha Meta.
Berisha: Mazhoranca, me kandidatet e saj per zgjedhjen e Presidentit
Mazhoranca do te paraqese kandidaturat e saj per Presidentin e ri te Republikes. Keshtu u shpreh dje kryeministri Sali Berisha, vetem nje dite nga deklaratat e bera nga ish-lideri socialist, Fatos Nano, se ai do te nise bisedimet me kreret e forcave politike, per te marre mbeshtetje per kandidimin si president i vendit. Duke bere te qarte edhe nje here faktin se mazhoranca do te dale me kandidatet e saj ne zgjedhjen e kreut te ri te shtetit. "Sot nuk do te flas per politike, sepse jemi ketu per nje ceshtje me shume rendesi sikunder eshte mjedisi. Une ju them se mazhoranca do te paraqese kandidatet e saj per kreun e ri te shtetit", - iu pergjigj dje kryeministri Berisha interesit te gazetareve nga Bashkia e Kazmes mbi diskutimet gjithnje e me te shpeshta tashme per zgjedhjen e presidentit te ri qe duhet te realizohet brenda muajit korrik. Te njejtin qendrim, kreu i qeverise mbajti ne fakt edhe tre dite me pare ne konferencen per shtyp per median. Publikisht, kryeministri, duke shkuar, madje, edhe nje hap me tej, tha se presidenti i ardhshem do te dale nga radhet e Partise Demokratike, duke mos perjashtuar edhe konsultimet me opoziten. Ndezja e debatit per zgjedhjen e Presidentit te ri te Republikes vjen me afrimin e afateve ligjore per votimin. Kuvendi pritet qe te fuse se shpejti ne axhende procesin e nisjes se shqyrtimit te kandidaturave. Procesi i zgjedhjes, i cili kerkon kohe, do te perfundoje brenda muajit korrik te ketij viti, pra brenda perfundimit te ketij sesioni parlamentar. Vetem dy dite me pare, ish-lideri socialist, Fatos Nano, jo vetem qe shprehu serish ambicien e tij per te qene kreu i ri i shtetit, por edhe deklaroi se per kete ceshtje, ai personalisht do te nise bisedimet dhe takimet me te gjithe kreret e forcave politike parlamentare ne Kuvend. Nga kryeministri, lideri i opozites, kreu i LSI-se, PBDNJ-se, PR-se dhe PDIU-se. Kushtetuta e vendit parashikon qe per zgjedhjen e presidentit, tre votimet e para te quhen te vlefshme ne rast se per zgjedhjen e kreut te ri te shtetit votojne shumica e cilesuar e Kuvendit, pra 84 deputete. Por situata ndryshon ne raundin e katert, ku presidenti mund te zgjidhet me shumice te thjeshte. R. Rapushi.
"Presidenti nuk duhet per t'u vene ne funksion te nje pale apo nje pale tjeter, dua te shpreh dhe bindjen time dhe te LSI-se se institucioni i presidentit nuk duhet kuptuar si nje llogore me shume e njeres pale", - tha Meta.
Berisha: Mazhoranca, me kandidatet e saj per zgjedhjen e Presidentit
Mazhoranca do te paraqese kandidaturat e saj per Presidentin e ri te Republikes. Keshtu u shpreh dje kryeministri Sali Berisha, vetem nje dite nga deklaratat e bera nga ish-lideri socialist, Fatos Nano, se ai do te nise bisedimet me kreret e forcave politike, per te marre mbeshtetje per kandidimin si president i vendit. Duke bere te qarte edhe nje here faktin se mazhoranca do te dale me kandidatet e saj ne zgjedhjen e kreut te ri te shtetit. "Sot nuk do te flas per politike, sepse jemi ketu per nje ceshtje me shume rendesi sikunder eshte mjedisi. Une ju them se mazhoranca do te paraqese kandidatet e saj per kreun e ri te shtetit", - iu pergjigj dje kryeministri Berisha interesit te gazetareve nga Bashkia e Kazmes mbi diskutimet gjithnje e me te shpeshta tashme per zgjedhjen e presidentit te ri qe duhet te realizohet brenda muajit korrik. Te njejtin qendrim, kreu i qeverise mbajti ne fakt edhe tre dite me pare ne konferencen per shtyp per median. Publikisht, kryeministri, duke shkuar, madje, edhe nje hap me tej, tha se presidenti i ardhshem do te dale nga radhet e Partise Demokratike, duke mos perjashtuar edhe konsultimet me opoziten. Ndezja e debatit per zgjedhjen e Presidentit te ri te Republikes vjen me afrimin e afateve ligjore per votimin. Kuvendi pritet qe te fuse se shpejti ne axhende procesin e nisjes se shqyrtimit te kandidaturave. Procesi i zgjedhjes, i cili kerkon kohe, do te perfundoje brenda muajit korrik te ketij viti, pra brenda perfundimit te ketij sesioni parlamentar. Vetem dy dite me pare, ish-lideri socialist, Fatos Nano, jo vetem qe shprehu serish ambicien e tij per te qene kreu i ri i shtetit, por edhe deklaroi se per kete ceshtje, ai personalisht do te nise bisedimet dhe takimet me te gjithe kreret e forcave politike parlamentare ne Kuvend. Nga kryeministri, lideri i opozites, kreu i LSI-se, PBDNJ-se, PR-se dhe PDIU-se. Kushtetuta e vendit parashikon qe per zgjedhjen e presidentit, tre votimet e para te quhen te vlefshme ne rast se per zgjedhjen e kreut te ri te shtetit votojne shumica e cilesuar e Kuvendit, pra 84 deputete. Por situata ndryshon ne raundin e katert, ku presidenti mund te zgjidhet me shumice te thjeshte. R. Rapushi.