Nano, vetëm 6 herë në Parlament
BLEDAR HOTI
Ish-kryetari i PS-së, Fatos Nano, është deputeti që ka marrë më pak pjesë në seancat parlamentare. Sipas raportit të katërt monitorues të skuadrës "Unë votoj" të shoqatës "MJAFT", ish-kreu i PS-së është deputeti më pak aktiv në seancat parlamentare, duke marrë gjithsej fjalën 6 herë, në 161 seancat parlamentare të zhvilluara nga janar-dhjetor i vitit 2008. I dyti në listë renditet deputeti i pavarur, Taulant Dedja, me 54 pjesëmarrje në seanca nga 161 që janë kryer gjithsej. Në fakt deputeti Dedja është duke kryer doktoraturën jashtë shtetit. Ndërsa përfshihen krerët e partive politike, si Fatmir Mediu i PR-së, Nard Ndoka i PDK-së, Ilir Meta i LSI-së, Vangjel Dule i PBDNJ-së, Skënder Gjinushi i PSD-së dhe Paskal Milo i PDS-së. Raporti i skuadrës "Unë votoj" ka listuar edhe ata deputetë që kanë qenë të zellshëm, duke marrë pjesë në të gjitha seancat parlamentare, ose duke munguar në një ose pesë seanca gjithsej, që ka pasur gjatë vitit 2008. Nga lista e deputetëve të bie në sy se pjesa më e madhe vijnë nga maxhoranca. Mungesa e kuorumit të votave ka detyruar deputetët e maxhorancës që të jenë në votimin e projektligjeve. Nga 20 deputetët e listuar, vetëm një i takon opozitës. Ajo është socialistja Rajmonda Stefa, e cila nga 161 seanca gjithsej ka marrë pjesë vetëm në 156. Ndërsa një vëmendje e veçantë i kushtohet edhe atyre deputetëve që nuk kanë aktivë, duke mos folur në asnjë prej seancave parlamentare. Gjithsej janë nëntë deputetë: Fatos Nano, Flori Bajramaj, Taulant Dedja, Hamit Kosta, Gali Ramadhi, Genc Sharku, Bukurosh Stafa, Ymer Tola dhe Mevlan Xhindoli. Ndërsa në top listën e deputetëve që kanë folur më shumë në seancat parlamentare janë Erjon Braçe i PS-së, Valentina Leskaj e PS-së, Nikollaq Neranxi i LSI-së, Taulant Balla i PS-së, Arben Malaj i PS-së, Petro Koçi i PSV 91, Dashnor Sula i PD-së dhe Genc Ruli i PD-së. "Kemi vënë re një përmirësim të sjelljes individuale të deputetëve, të cilët më parë janë paraqitur problematikë. Por kemi vërejtur një përkeqësim të performancës së institucionit të Parlamentit. Ku mund të përmendimin përkeqësim të Etikës Parlamentare, i angazhimit të deputetëve në diskutimin e projektligjeve, mungesën e sanksioneve kundrejt shkeljeve, duke legjitimuar kështu shtrembërimin e përfaqësimit dhe të besimit qytetar", thuhet në deklaratë për paraqitjen e këtij raporti.
TE DHENAT PER DEPUTETET
Deputetët me më pak prezenca në seanca
Fatos Nano 6-161
Taulant Dedja 54-161
Ilir Meta 67-161
Vangjel Dule 72-161
Shpëtim Idrizi 74-161
Nikollë Lesi 82-161
Tom Doshi 82-161
Ndricim Babasi 93-161
Fatmir Mediu 94-161
Nard Ndoka 94-161
Skënder Gjinushi 98-161
Ben Blushi 100-161
Hamit Kosta 102-161
Dritan Prifti 107-161
Hajrulla Paturi 112-161
Piro Lutaj 113-161
Elmaz Sherifi 114-161
Paskal Milo 114-161
Leonard Solis 117-161
Sadri Abazi 117-161
Deputetët që kanë marrë pjesë më shumë në seanca
Engjëll Cara 161-161
Parid Teferici 161-161
Dashnor Sula 161-161
Safet Sulaj 161-161
Fatos Hoxha 161-161
Genc Sharku 161-161
Gjovalin Prenga 161-161
Galip Ramadhi 161-161
Rrahim Kaleci 161-161
Besnik Bisha 160-161
Mehmet Xheka 160-161
Blerim Cela 159-161
Astrit Patozi 159-161
Engjëll Cara 158-161
Ilir Bano 158-161
Astrit Bushati 156-161
Aurel Bylykbashi 156-161
Gëzim Karapici 156-161
Rajmonda Stefa 156-161
Baki Shehi 155-161
Deputetët që nuk kanë folur në seanca
1 Flori Bajramaj
2 Taulant Dedja
3 Hamit Kosta
4 Fatos Nano
5 Galip Ramadhi
6 Genc Sharku
7 Bukurosh Stafa
8 Ymer Tola
9 Mevlan Xhindoli
Deputetët që kanë folur më shumë në seanca
1 Erion Braçe
2 Pëllumb Xhufi
3 Valentina Leskaj
4 Nikollaq Neranxi
5 Arben Malaj
6 Taulant Balla
7 Dashnor Sula
8 Petro Koçi
9 Genc Ruli