Ndahen çmimet "Vangjush Mio"
Piktorët dhe skulptorët më të mirë, pjesëmarrës në konkursin mbarëkombëtar të arteve figurative në Korçë, janë vlerësuar me çmimin "Vangjush Mio". Çmimet janë ndarë mbrëmjen e së shtunës në Galerinë e Arteve. Në cilësinë e kryetarit të jurisë për këtë konkurs të arteve figurative, pedagogu i pikturës në Akademinë e Arteve, Fatos Kola, ka ndarë çmimet për fituesit e këtij konkursi. Aktiviteti më i rëndësishëm i arteve figurative që organizohet në qytetin e Korçës ka vlerësuar piktorët dhe skulptorët më të mirë, ku një pjesë e çmimeve u kanë kaluar pikërisht artistëve të ardhur nga Maqedonia dhe Kosova.
Me çmimin e parë në pikturë u nderua Gentian Zeka dhe në skulpturë Vladimir Kaçaku. Çmimet e dyta i fituan piktori Ritvan Aliti dhe skulptori Aurel Bala. Me çmime të treta u vlerësuan piktori Nikolin Ivanaj dhe skulptori Muharrem Sadiku.
Artistë figurativë nga trevat mbarëshqiptare u paraqitën me artin e tyre në ekspozitën e fundvitit, në konkursin mbarëkombëtar që mban emrin e piktorit Vangjush Mio. Mes larmisë së ngjyrave të derdhura nga peneli i artistëve, peizazhet, portretet, natyrat e qeta, kompozimet, stilet dhe teknikat e secilit artist kanë sjellë plot 40 krijues në këtë konkurs. Ekspozita e pikturës dhe skulpturës në nderim të Piktorit të Popullit, Vangjush Mio, ka sjellë një larmi veprash artistike në galerinë e arteve. Piktorë e skulptorë të njohur nga rajoni i Korçës, nga qytete të ndryshme të vendit, artistë të penelit dhe daltës nga Kosova dhe Maqedonia, kanë prezantuar në këtë konkurs punimet e tyre më të mira në një konkurs me përmasa mbarëkombëtare. Ekspozita me punimet e tyre do të qëndrojë e hapur deri në fund të muajit në Galerinë e Arteve.
Me çmimin e parë në pikturë u nderua Gentian Zeka dhe në skulpturë Vladimir Kaçaku. Çmimet e dyta i fituan piktori Ritvan Aliti dhe skulptori Aurel Bala. Me çmime të treta u vlerësuan piktori Nikolin Ivanaj dhe skulptori Muharrem Sadiku.
Artistë figurativë nga trevat mbarëshqiptare u paraqitën me artin e tyre në ekspozitën e fundvitit, në konkursin mbarëkombëtar që mban emrin e piktorit Vangjush Mio. Mes larmisë së ngjyrave të derdhura nga peneli i artistëve, peizazhet, portretet, natyrat e qeta, kompozimet, stilet dhe teknikat e secilit artist kanë sjellë plot 40 krijues në këtë konkurs. Ekspozita e pikturës dhe skulpturës në nderim të Piktorit të Popullit, Vangjush Mio, ka sjellë një larmi veprash artistike në galerinë e arteve. Piktorë e skulptorë të njohur nga rajoni i Korçës, nga qytete të ndryshme të vendit, artistë të penelit dhe daltës nga Kosova dhe Maqedonia, kanë prezantuar në këtë konkurs punimet e tyre më të mira në një konkurs me përmasa mbarëkombëtare. Ekspozita me punimet e tyre do të qëndrojë e hapur deri në fund të muajit në Galerinë e Arteve.