Ndahet nga jeta diplomati i njohur dhe gazetari, Hajdar Muneka

Hajdar Muneka, diplomat i njohur dhe gazetar i spikatur, është ndarë në mbrëmjen e së enjtes nga jeta, në moshën 68 vjeçare, njoftoi familja.  

Prej kohësh ai vuante nga një sëmundje e rëndë, me të cilën luftoi deri në fund, por pa mundur ta fitojë  këtë betejë.

Hajdar Muneka  kontribuoi për vite me radhë në shërbimin diplomatik shqiptar dhe ishte një njohës shumë i mirë i çështjeve aziatike. 

Ai ishte ambassador i Republikës së Shqipërisë në Kinë dhe Malajzi, dhe Jo resident ne  Singapor, Korenë e Jugut Bangladesh ,  Japoni, Australi, Zelandën e re e të tjerë.

Hajdar Muneka do të mbahet mend edhe i si një gazetar i njohur i problemeve ndërkombëtare. 

Ai për shumë vite ka qenë gazetar në Radio Tirana, në Radion e jashtme duke dhënë një kontribut të spikatur.

Përvojën e tij gazetareske dhe diplomatike Hajdar Muneka e ka përmbledhur në librin e tij “ Dritëhijet e një miqësie që çuditi botën”, një ese me vlerë për historinë e marëdhëieve midis Shqipërisë dhe Kinës. Një tjetër vepër nga kjo temë pritet të botohet pas ndarjes së tij nga jeta.

Hajdar Muneka ishte edhe anëtar i Këshillit të Ambasadorëve shqiptarë , ku kontribuoi  me eksperiencën  tij te gjatë në fushën e diplomacisë.