Ndihmat ne BE Gjermania veshtireson procedurat
Gjykata Kushtetuese gjermane vendos në favor të ndihmave disa miliarda euro për Greqinë dhe kontributin në ombrellën për shpëtimin e euros. Sipas gjykatës ato janë konform kushtetutës. Grupi i 6 profesorëve të njohur rreth deputetit kristiansocial Peter Gauweiler, të cilët i kishin paditur ndihmat miliardëshe, argumentonin se bëhej fjalë për shkelje të së drejtës evropiane. Veç kësaj ata shohin të cënuar të drejtën e parlamentit federal gjerman për të vendosur për buxhetin.
Gjykatësit nuk i refuzuan në përgjithësi masat për shpëtimin e euros, por gjykata e lartë theksoi se në të ardhmen në vendime të tilla Bundestagu gjerman duhet të luajë një rol edhe më të madh. Miratimi në parlament sipas analistëve pritet të ngadalësojë dhe më një proces që dhe më herët është kritikuar për mënyrën apatike të kundërpërgjigjes. Që nga viti i kaluar, vendet e eurozonës kanë rënë dakord për mbështetjen e Greqisë, Portugalisë dhe Republikës së Irlandës nëpërmjet një fondi Evropian për Stabilitet Financiar. Por tani ekspertët druajnë se të tjera vende kanë nevojë për ndihmë financiare.
Ndërkohë, në një intervistë per gazetën Bild, një nga udhëheqësit e koalicionit në Gjermani në pushtet nuk përjashtoi që Greqia të përjashtohet nga eurozona "Mendoj se nuk mund të përjashtohet një mundësi e tillë ndonëse kam ende besim se rruga e zgjedhur do të sigurojë sukses," tha Horst Seehofer, kryetar i Bashkimit Kristian Social dhe një nga tre aleatët e qeverisë Merkel. Këto komente bien ndesh me deklaratat e kancelares që është shprehur se "nuk ka shanse" që Greqia të lerë eurozonën.
Delina Bitraku
Gjykatësit nuk i refuzuan në përgjithësi masat për shpëtimin e euros, por gjykata e lartë theksoi se në të ardhmen në vendime të tilla Bundestagu gjerman duhet të luajë një rol edhe më të madh. Miratimi në parlament sipas analistëve pritet të ngadalësojë dhe më një proces që dhe më herët është kritikuar për mënyrën apatike të kundërpërgjigjes. Që nga viti i kaluar, vendet e eurozonës kanë rënë dakord për mbështetjen e Greqisë, Portugalisë dhe Republikës së Irlandës nëpërmjet një fondi Evropian për Stabilitet Financiar. Por tani ekspertët druajnë se të tjera vende kanë nevojë për ndihmë financiare.
Ndërkohë, në një intervistë per gazetën Bild, një nga udhëheqësit e koalicionit në Gjermani në pushtet nuk përjashtoi që Greqia të përjashtohet nga eurozona "Mendoj se nuk mund të përjashtohet një mundësi e tillë ndonëse kam ende besim se rruga e zgjedhur do të sigurojë sukses," tha Horst Seehofer, kryetar i Bashkimit Kristian Social dhe një nga tre aleatët e qeverisë Merkel. Këto komente bien ndesh me deklaratat e kancelares që është shprehur se "nuk ka shanse" që Greqia të lerë eurozonën.
Delina Bitraku