Ndryshimi temperaturave, fluks te virozave e alergjive Sonila Isaku

Ulja e menjehershme e temperaturave per vetem dy dite me pothuajse 10 grade Celsius ka bere qe nje numer i madh pacientesh t'i drejtohen mjekut per shkak te virozave, duke u nderthurur me alergjite e stines. Sipas mjekeve, kjo situate eshte vetem ne raste te tilla kur luhatja e temperaturave eshte shume e madhe, nderkohe qe jane mbi 30 paciente ne dite, te cilet u drejtohen mjekeve per shkak te nderthurjes se ketyre dy problemeve. Kryesisht keta paciente kane lotim te syve, rrjedhje te hundeve dhe bllokim te tyre, kruarje te grykes apo te vesheve, simptoma keto te virozave, por edhe te alergjive. "Nje pjese e mire e pacienteve, te cilet jane te mesuar me alergjine, drejtohen tek ne per te marre mjekim, por ka nga ata, te cilet, pervec alergjive, kane shfaqur edhe probleme te virozave. Keto te fundit kane qene te menjehershme per shkak te ndryshimit te kushteve atmosferike", - ka pohuar mjeku Alergolog, Mehmet Hoxha. Sipas tij, celja e luleve dhe bimeve ndikon drejtperdrejt ne zgjimin e alergjive, por dhe ne shfaqjen e rasteve te reja. Ditet e fundit, mjeket alerogologe kane vene re shtim te rasteve te reja tek femijet, te cilet, sipas tyre, do te ishte mire te vaksinohen nga momenti qe diagnostifikohen si te tille cdo muaj, me qellim qe ta mbajne nen kontroll. Alergologu thote se pas vendosjes se diagnozes nga ana e mjekut, duhet te jete ky i fundit, qe duhet te vendose dhe te aplikoje vaksinen. "Vaksinen e cakton mjeku alergolog, mund ta filloje ne cdo lloj periudhe. Ajo ben te mundur uljen ne minimum te simptomave te alergjise dhe parandalimin e komplikacioneve apo te rendimit te alergjive dhe ne keto raste jane rastet qe kapen fillimisht, vendoset diagnoza dhe i nenshtrohen mjekimit te rekomanduar nga mjeku perkates alergolog dhe priten qe keto raste te mos perseriten shenjat, te jene te reduktuara ne minimum dhe te parandalohet rendimi, apo komplikimi", - thote Hoxha. Ai keshillon qe pacientet ne kete periudhe duhet te jene shume te kujdesshem per shkak te perseritjes se alergjise disa here, si dhe shfaqjes se virozave. Gjate kohes kur fryn ere, ne ditet me mot te paqendrueshem keshillohen pacientet te mos ecin neper rruge, pasi gjethet apo lulet shperndahen me shume ne ajer. "Eshte shume e rendesishme nga ana e tyre te dine qe perqendrimi me i madh i poleneve eshte ne oret e para te paradites dhe ne ditet me ere", - pohon alergologu Mehmet Hoxha. Nderkohe, nga pavijoni i urgjences se Pediatrise ne QSUT, raportohet per shtim te rasteve te femijeve, te cilet kane probleme te virozave. Sipas mjekeve, gjate 24 oreve paraqiten te pakten 150 deri ne 170 paciente te vegjel.

"Vizita me mjekun do te ishte keshilla e kryesore qe japin bluzat e bardha, sepse vetem keshtu mund te stabilizohet gjendja shendetesore e ketyre pacienteve. Perdorimi i medikamenteve, sic duhet, eshte nje nga keshillat e rendesishme. Rikontrollet dhe rivleresimet per personat, te cilet jane te prekur nga alergjia dhe kane shenjat e para apo me shume se tre muaj qe nuk e kane kontaktuar me mjekun"

"Pacientet nuk duhet te vetemjekohen dhe sidomos te perdorin nafazolinen, pasi, pas nje periudhe, ajo behet e demshme per shendetin. Po keshtu, mjeket kerkojne qe qytetaret, te cilet kane kolle te thate, por edhe teshtima te kerkojne ndihmen e mjekeve. Alergologet keshillojne qe prinderit te konsultohen me mjeket e familjes per cdo problem te femijeve te tyre, pasi shpesh alergjite ngaterrohen me virozat e stines."