Ndryshojnë rregullat për regjistrimin në arsimin e mesëm, jo më si më parë
Së shpejti do të çelen procedurat e regjistrimit për nxënësit që do të fillojnë arsimin e mesëm sipas sistemit të ri të aprovuar. Hapja e vitit të parë do të shoqërohet me një sërë kriteresh të reja pranimi për çdo profil shkollor. Këto ndryshime do të jenë jo vetëm në procedurat e regjistrimit, por dhe në llojin e programit mësimor që do të zhvillohet. Procedura e regjistrimit, pranimet në shkollat e mesme profesionale për vitin e ri shkollor do të bazohen në konkurse, nëpërmjet të cilave do të kenë mundësinë të fitojnë vetëm një numër i caktuar kandidatësh, pasi kapacitetet e shkollave janë të kufizuara përballë fluksit të kërkesave.
Mënyra e regjistrimit ndryshe nga vitet e kaluara
Ndryshe nga vitet e kaluara procesi i regjistrimit për të gjitha nxënësit e viteve të para do të nisë menjëherë sapo të dalin rezultatet e provimeve të lirimit dhe jo në fillim të muajit shtator, siç është vepruar në vitet e shkuara. Sipas Ministrisë së Arsimit dhe Shkencës, reforma e re që do të ndërmerret do të sjellë kështu një rigrupim të lëndëve mësimore, të cilat do të ndahen në lëndë bazë, që do të jenë të detyrueshme për të gjithë nxënësit në vend, si dhe lëndë me zgjedhje, që do të lihen në varësi të preferencave të kërkuara nga vetë nxënësit për grupe të caktuara lëndësh. Në këtë grup përfshihen lëndë, si gjuha e huaj, letërsia e avancuar, matematika e avancuar, trashëgimia jonë kulturore, tik e avancuar (që ka të bëjë me prirjet në lëndët e informatikës). Përveç gjuhës angleze nxënësit do të kenë të detyruar që të zgjedhin dhe një tjetër gjuhë të huaj që do ta mësojnë si lëndë të detyruar, duke filluar që nga viti i parë i shkollës së mesme. Ndërsa në grupimin e dytë që përfshin kurrikula e lirë renditen këto lëndë mësimore: lënda e muzikës kërcimit dhe artit, lënda e lojërave sportive, lënda e gjuhës së huaj 3, lënda e guidës turistike, lënda e ndryshimeve klimaterike, lënda e fotografisë dhe e fotoshopit, lënda e moduleve profesionale, lënda e projekteve kurrikulare, lënda e përforcimit në matematikë e gjuhë si dhe lënda e shërbimeve komunitare. Për të rritur nivelin e arsimimit aktualisht po zbatohet një strukturë e re e arsimit parauniversitar, ku arsimi i detyrueshëm do të zgjasë nëntë vjet dhe tre vjet arsimi i mesëm. Regjistrimet në gjimnazet publike, shkollat artistike apo ato sportive, nuk do të kryhen më në fillimin e vitit shkollor, por menjëherë pas përfundimit të sesionit të provimeve të lirimit. Ministria e Arsimit ka vendosur të ndryshojë, duke nisur nga ky vit shkollor, skemën tradicionale të regjistrimit në arsimin e mesëm. Nxënësit do të kenë dy javë kohë për të përgatitur të gjithë dokumentet e nevojshëm, për bërë regjistrimin në ciklin parauniversitar. E veçanta e regjistrimeve të këtij viti është se çdo nxënës që do të regjistrohet në arsimin e mesëm, duhet të jetë i shoqëruar në momentin e regjistrimit nga njëri prej prindërve. "Arsyeja e marrjes së këtij vendimi, - sqarojnë në shkolla, - lidhet me njohjen nga ana e prindërve e të drejtave që gëzojnë fëmijët dhe detyrimet që ata kanë në shkollë". Regjistrimi në shkollat e mesme do të bëhen në bazë të ndarjes territoriale dhe jo kundrejt dëshirës së nxënësve. Vendimi i dalë nga drejtoritë arsimore do të vlejë për të gjithë drejtoritë e shkollave, ndërsa pas afatit të fundit të caktuar, nuk do të lejohet regjistrimi i asnjë nxënësi në arsimin e mesëm. Për të kryer regjistrimin nxënësi duhet të paraqesë në sekretarinë e shkollës, ku do të vazhdojë të ndjekë arsimin e mesëm, dëftesën e shkollës 9-vjeçare. Drejtues të shkollave kujtojnë se dorëzimi i dokumentit që vërteton përfundimin e ciklit 9-vjeçar duhet të bëhet në prani të njërit prej prindërve, i cili duhet të ketë me vete mjet identifikimi. Pranimet në shkollat profesionale, gjuhëve të huaja, si edhe seksionet dygjuhëshe italiane, do të bëhen me konkurs. Në shkollat sportive konkurset do të zhvillohen deri më datën 10 gusht, ndërsa në shkollat artistike dhe koreografike, testimet do të kryhen nga data 24-28 gusht. Ministria e Arsimit ka vendosur që afati i fundit i dorëzimit të dokumenteve në shkollat e specialiteteve të jetë data 15 korrik. Për të marrë pjesë në konkurs, kandidatët duhet të dorëzojnë në sekretaritë e shkollave përkatëse: fotokopje të noterizuar të dëftesës së lirimit, të firmosur në Drejtorinë Arsimore Rajonale, certifikatë lindjeje me fotografi të vulosur nga shkolla, ku kandidati ka marrë dëftesën e lirimit, si edhe kërkesë për degën që do të studiojë.
Mënyra e regjistrimit ndryshe nga vitet e kaluara
Ndryshe nga vitet e kaluara procesi i regjistrimit për të gjitha nxënësit e viteve të para do të nisë menjëherë sapo të dalin rezultatet e provimeve të lirimit dhe jo në fillim të muajit shtator, siç është vepruar në vitet e shkuara. Sipas Ministrisë së Arsimit dhe Shkencës, reforma e re që do të ndërmerret do të sjellë kështu një rigrupim të lëndëve mësimore, të cilat do të ndahen në lëndë bazë, që do të jenë të detyrueshme për të gjithë nxënësit në vend, si dhe lëndë me zgjedhje, që do të lihen në varësi të preferencave të kërkuara nga vetë nxënësit për grupe të caktuara lëndësh. Në këtë grup përfshihen lëndë, si gjuha e huaj, letërsia e avancuar, matematika e avancuar, trashëgimia jonë kulturore, tik e avancuar (që ka të bëjë me prirjet në lëndët e informatikës). Përveç gjuhës angleze nxënësit do të kenë të detyruar që të zgjedhin dhe një tjetër gjuhë të huaj që do ta mësojnë si lëndë të detyruar, duke filluar që nga viti i parë i shkollës së mesme. Ndërsa në grupimin e dytë që përfshin kurrikula e lirë renditen këto lëndë mësimore: lënda e muzikës kërcimit dhe artit, lënda e lojërave sportive, lënda e gjuhës së huaj 3, lënda e guidës turistike, lënda e ndryshimeve klimaterike, lënda e fotografisë dhe e fotoshopit, lënda e moduleve profesionale, lënda e projekteve kurrikulare, lënda e përforcimit në matematikë e gjuhë si dhe lënda e shërbimeve komunitare. Për të rritur nivelin e arsimimit aktualisht po zbatohet një strukturë e re e arsimit parauniversitar, ku arsimi i detyrueshëm do të zgjasë nëntë vjet dhe tre vjet arsimi i mesëm. Regjistrimet në gjimnazet publike, shkollat artistike apo ato sportive, nuk do të kryhen më në fillimin e vitit shkollor, por menjëherë pas përfundimit të sesionit të provimeve të lirimit. Ministria e Arsimit ka vendosur të ndryshojë, duke nisur nga ky vit shkollor, skemën tradicionale të regjistrimit në arsimin e mesëm. Nxënësit do të kenë dy javë kohë për të përgatitur të gjithë dokumentet e nevojshëm, për bërë regjistrimin në ciklin parauniversitar. E veçanta e regjistrimeve të këtij viti është se çdo nxënës që do të regjistrohet në arsimin e mesëm, duhet të jetë i shoqëruar në momentin e regjistrimit nga njëri prej prindërve. "Arsyeja e marrjes së këtij vendimi, - sqarojnë në shkolla, - lidhet me njohjen nga ana e prindërve e të drejtave që gëzojnë fëmijët dhe detyrimet që ata kanë në shkollë". Regjistrimi në shkollat e mesme do të bëhen në bazë të ndarjes territoriale dhe jo kundrejt dëshirës së nxënësve. Vendimi i dalë nga drejtoritë arsimore do të vlejë për të gjithë drejtoritë e shkollave, ndërsa pas afatit të fundit të caktuar, nuk do të lejohet regjistrimi i asnjë nxënësi në arsimin e mesëm. Për të kryer regjistrimin nxënësi duhet të paraqesë në sekretarinë e shkollës, ku do të vazhdojë të ndjekë arsimin e mesëm, dëftesën e shkollës 9-vjeçare. Drejtues të shkollave kujtojnë se dorëzimi i dokumentit që vërteton përfundimin e ciklit 9-vjeçar duhet të bëhet në prani të njërit prej prindërve, i cili duhet të ketë me vete mjet identifikimi. Pranimet në shkollat profesionale, gjuhëve të huaja, si edhe seksionet dygjuhëshe italiane, do të bëhen me konkurs. Në shkollat sportive konkurset do të zhvillohen deri më datën 10 gusht, ndërsa në shkollat artistike dhe koreografike, testimet do të kryhen nga data 24-28 gusht. Ministria e Arsimit ka vendosur që afati i fundit i dorëzimit të dokumenteve në shkollat e specialiteteve të jetë data 15 korrik. Për të marrë pjesë në konkurs, kandidatët duhet të dorëzojnë në sekretaritë e shkollave përkatëse: fotokopje të noterizuar të dëftesës së lirimit, të firmosur në Drejtorinë Arsimore Rajonale, certifikatë lindjeje me fotografi të vulosur nga shkolla, ku kandidati ka marrë dëftesën e lirimit, si edhe kërkesë për degën që do të studiojë.