Ndryshon Kodi Rrugor, gjoba te majme shofereve

Tirane- Qeveria ndryshon gjobat ne Kodin Rrugor duke dyfishuar ndeshkimet administrative per shoferet. Objekt i shqyrtimit ne Keshillin e Ministrave diten e djeshme kane qene pikat dhe nenet ku flitej per shpejtesine tej normave te lejuara, konsumimin e pijeve alkoolike apo drogave, mosperdorimi i rripave te sigurimit dhe transportimi mbi kapacitetin e mjeteve te pasagjereve apo udhetareve. Gjoba me e larte mbetet ajo e perdorimit te alkoolit deri ne 40 mije leke dhe me pas tejkalimi i shpejtesise, deri ne 16 mije leke. Ne disa raste parashikohet edhe heqja e lejes se drejtimit deri ne 6 muaj, kur shoferet per qellime perfitimi marrin me shume pasagjere nga c’duhet. Objekti i shqyrtimit nga ekzekutivi ka qene “Per disa ndryshime ne ligjin nr. 8378 i vitit 1998”, qe flet per “Kodin Rrugor”. Propozimet per ndryshime jane bere nga ministri i Brendshem, pas diskutimeve me specialiste dhe eksperte te Policise se Qarkullimit Rrugor, referuar edhe kodeve te vendeve te rajonit apo atyre perendimore. Pak dite me pare u inaugurua edhe qendra e re e fotografimit te mjeteve ne rruge, ku konstatohen shkelje nepermjet kamerave te vecanta per shpejtesine apo aksidentet. Vendimi i marre dje nga Keshilli i Ministrave ne mbledhjen e radhes hyn ne fuqi menjehere dhe do te zbatohet nga Drejtoria e Pergjithshme e Qarkullimit Rrugor dhe Policia e Shtetit.
Shpejtesia
Neni i pare i diskutuar ka qene ai me numer 140 qe flet per kufijte e shpejtesise. Eshte vendosur te klasifikohet tejkalimi i shpejtesise sipas rasteve dhe akseve rrugore ku ndodhen mjetet me kufi nga 10 km, deri ne mbi 20 km ne ore mbi normen e lejuar. Pra, nese kamerat kapin nje mjet me shpejtesi 50 km ne ore ne rruge qytetase, por qe duhet te ece me 40 km ne ore, atehere vendoset nje gjobe qe shkon nga 2-8 mije leke, kur kufiri kalohet me 10-20 kilometra me teper atehere vendoset gjobe 4-16 mije leke dhe kur e tejkalon me mbi 20 km ne ore, atehere pervec gjobes se majme 10-40 mije leke, aplikohet heqja e lejes se drejtimit nga 1-6 muaj, sipas vjetersise ne drejtim te shoferit dhe patentes qe zoteron.
Sinjalistika
Kurse per nenin numer 144, ndryshohen gjobat per sinjalistiken dhe parakalimin e gabuar. Cilido qe nuk sillet ne menyren e treguar nga sinjalizimi rrugor, ose sipas normave perkatese te akteve ne zbatim, si dhe sipas orientimit te policit te trafikut, ndeshkohet me mase administrative gjobe, nga 2-8 mije leke, sipas shkeljeve te sinjalistikes qe kryhen. Kurse per parakalimet e gabuara gjoba parashikohet nga 4-16 mije leke.
Pasagjeret
Ne nenin 167 behen keto ndryshime, kur cdo shofer drejton mjete, ose trolejbuse te destinuar per transportin e njerezve, duke perjashtuar autoveturat, qe kane nje numer pasagjeresh dhe nje ngarkese te pergjithshme me te madhe se vlerat maksimale te treguara ne lejeqarkullimet, si dhe qe transportojne nje numer pasagjeresh me te madh nga ai i treguar ne lejeqarkullimin, ndeshkohet me mase administrative, me gjobe nga 4-16 mije leke dhe po i njejti ndeshkim per autoveturat taksi sherbimi.
Rripat e sigurise
Por edhe shoferet qe nuk perdorin rripat e sigurimit nuk do i shpetojne gjobave qe jane dyfishuar ne nenin 170. Kush nuk perdor rripat e sigurise dhe sistemet e fiksimit, te parashikuara per pasagjeret deri ne 12 vjec, ndeshkohet me mase administrative, me gjobe nga 1-4 mije leke. Kur shkelja i takon nje femije ne moshe jomadhore, pergjegjesia bie mbi drejtuesin e mjetit ose, kur ndodhet ne castin e kryerjes se shkeljes, mbi ate qe eshte ngarkuar me mbikeqyrjen e kesaj femije.
Alkooli dhe aksidentet
Ne fund edhe gjobat e nenit 184 per perdorimin e alkoolit apo drogave. Shoferet nuk do te gjobiten me me shuma modeste si me pare, por ne kete rast ndeshkimet jane disa here me te medha. Drejtuesit e dehur denohen me gjobe nga 10-40 mije leke dhe po keshtu ata te perdorimit te drogave, pervec veprimeve te tjera ligjore. Ne fund edhe parashikimet per drejtuesit qe nuk ndalojne ne rastet e aksidenteve me deme materiale, ku gjoba e parashikuar eshte 4-16 mije leke dhe heqja e patentes per 6-12 muaj.

Ndryshimet e Kodit Rrugor:
Neni 1
Ne nenin 140 behen ndryshimet e meposhtme:
“7. Cilido, qe nuk respekton kufijte minimale te shpejtesise ose kalon kufijte maksimale te shpejtesise me jo me shume se 10 km/ore, ndeshkohet me mase administrative, me gjobe nga dy mije deri ne tete mije leke.”.
“8. Cilido, qe tejkalon kufijte e shpejtesise me me shume se 10 km/ore dhe jo me me shume se 20 km/ore, ndeshkohet me mase administrative, me gjobe nga kater mije deri ne gjashtembedhjete mije leke.”.
“9. Cilido, qe tejkalon kufijte e shpejtesise me me shume se 20 km/ore, ndeshkohet me mase administrative, me gjobe nga dhjete mije deri ne dyzet mije leke. Si pasoje e kesaj shkeljeje merret masa administrative plotesuese me pezullimin e lejedrejtimit nga 1 (nje) deri ne 3 (tre) muaj. Ne qofte se shkelja eshte kryer nga nje drejtues mjeti, qe e zoteron lejedrejtimin prej me pak se 3 vjetesh, pezullimi i lejedrejtimit behet per 3 (tre) deri ne 6 (gjashte) muaj.”.
Neni 5
Pika 2, e nenit 144, ndryshohet, si me poshte vijon:
“2. Cilido, qe nuk sillet ne menyren e treguar nga sinjalizimi rrugor ose sipas normave perkatese te akteve ne zbatim, si dhe sipas orientimit te policit te trafikut, ndeshkohet me mase administrative, me gjobe nga dy mije deri ne tete mije leke. Jane perjashtuar masat e vecanta, te parashikuara ne nenet 6 dhe 7.”.
Neni 7
Ne nenin 146 behen keto ndryshime :
1. Pika 15 ndryshohet, si me poshte vijon:
“15. Cilido, qe kryen nje parakalim pa zbatuar dispozitat e pikave 2, 3, 4, 5 e 8, ndeshkohet me mase administrative, me gjobe nga dy mije deri ne tete mije leke.”.
2. Fjalia e dyte, e pikes 16, ndryshohet, si me poshte vijon:
“Kur nuk zbatohen ndalimet e parakalimit sipas pikes 14, masa administrative eshte me gjobe nga kater mije deri ne gjashtembedhjete mije leke.”.
Neni 13
Ne nenin 167 behen keto ndryshime:
1. Pika 7 ndryshohet, si me poshte vijon:
“7. Cilido, qe drejton mjete ose trolejbuse te destinuar per transportin e njerezve, duke perjashtuar autoveturat, qe kane nje numer pasagjeresh dhe nje ngarkese te pergjithshme me te madhe se vlerat maksimale te treguara ne lejeqarkullimet, si dhe qe transportojne nje numer pasagjeresh me te madh nga ai i treguar ne lejeqarkullimin, ndeshkohet me mase administrative, me gjobe nga kater mije deri ne gjashtembedhjete mije leke.”.
“9. Cilido, qe shkel dispozitat e mesiperme, kur behet fjale per autovetura, ndeshkohet me mase administrative, me gjobe nga kater mije deri ne gjashtembedhjete mije leke.”.
Neni 15
Pika 8, e nenit 170, ndryshohet, si me poshte vijon:
“8. Cilido, qe nuk perdor rripat e sigurise dhe sistemet e fiksimit, te parashikuara per pasagjeret deri ne 12 (dymbedhjete) vjec, ndeshkohet me mase administrative, me gjobe nga nje mije deri ne nje kater mije leke. Kur shkelja i takon nje femije ne moshe jomadhore, pergjegjesia bie mbi drejtuesin e mjetit ose, kur ndodhet ne castin e kryerjes se shkeljes, mbi ate qe eshte ngarkuar me mbikeqyrjen e kesaj femije.”.
Neni 17
Fjalia e pare, e pikes 2, te nenit 184, ndryshohet, si me poshte vijon:
“ Cilido, qe drejton mjetin pas perdorimit te pijeve alkoolike, ne rastet kur nuk perben veper penale, denohet me gjobe nga dhjete mije e deri ne dyzet mije leke.”.
Neni 18
Pika 4, e nenit 185, ndryshohet, si me poshte vijon:
“4. Ndaj perdoruesve te lendeve narkotike droguese ose psikotrope te zbatohen dispozitat e percaktuara sipas pikave 2, 3 e 5, te nenit 184.”.
Neni 19
Ne nenin 187 behen keto ndryshime:
“6. Per cilindo, qe, ne kushtet e treguara ne piken 1, nuk zbaton detyrimin e ndalimit ne rast aksidenti, vetem me deme materiale, zbatohet masa administrative, me gjobe, nga kater mije deri ne gjashtembedhjete mije leke, dhe me pezullimin e lejedrejtimit, nga 6 (gjashte) deri ne 12 (dymbedhjete) muaj.”.