Në gjyq përballë akuzave/ A mund të ushtrojë detyrën si president Donald Trump nëse dënohet?

Donald Trump është paditur për akuza federale në lidhje me përmbysjen e zgjedhjeve të vitit 2020. Kjo është hera e tretë për këtë vit që ish-presidenti përballet me akuza penale.

Por a mundet që ish-presidenti, i cili mbetet kandidati kryesor për nominimin presidencial në radhët e republikanëve të marrë sërish Zyrën Ovale nëse dënohet për krimet për të cilat akuzohet?  Me pak fjalë, po.

Profesori i drejtësisë në Universitetin e Kalifornisë, Richard L. Hasen – një nga ekspertët kryesorë të vendit për ligjin zgjedhor – tha se Trump ka ende një mënyrë për të shërbyer si president nëse ai fiton në zgjedhjet e vitit 2024.

“Kushtetuta ka shumë pak kërkesa për të shërbyer si President, si për shembull të jesh të paktën 35 vjeç. Kushtetuta nuk ndalon askënd të paditur apo të dënuar apo edhe të kryejë dënimin me burg, të kandidojë si president dhe të fitojë presidencën”, tha ai në një email.

A mundet që një president të ushtrojë detyrën nga burgu? Kjo është më pak e qartë.

“Si do të ushtronte detyrën dikush si president nga burgu është një pyetje e paprovuar për fat të mirë,” tha Hasen.

A mund ta falë Trump veten ose ta pushojë çështjen nëse dënohet?

Akuzat më të reja kundër Trump përfshijnë: komplot për të mashtruar Shtetet e Bashkuara; komplot për të penguar një procedurë zyrtare; pengimi dhe tentimi për të penguar një procedurë zyrtare; dhe konspiracion kundër të drejtave.

Këto janë të gjitha përveç 40 pikave të një aktakuze të veçantë federale lidhur me hetimin e këshilltarit special për keqpërdorimin e dokumenteve të klasifikuara, si dhe 34 akuza penale për falsifikim të të dhënave të biznesit në Manhatan lidhur me një skemë të supozuar të pagesës së parave për të blerë heshtjen e një aktoreje të filmave për të rritur.

Nëse Trump do të dënohej para zgjedhjeve të vitit 2024 dhe do të fitonte garën, ai mund të përpiqet t’i japë vetes një falje, sipas Hasen.

“Nëse ai mund ta bëjë këtë është e paprovuar. Gjykata e Lartë mund të duhet të peshojë”, tha Hasen, ndërsa shton se Trump mund të apelojë dënimin në Gjykatën e Lartë.

Prokurori i posaçëm Jack Smith u tha gazetarëve se ai do të kërkojë një “gjykim të shpejtë”, por nëse Trump do të zgjidhej përpara përfundimit të një gjyqi, ai mund të jetë në gjendje ta shkarkojë atë plotësisht.

Robert Ray, avokati që mbrojti Trump në gjyqin e tij të parë të shkarkimit, duke folur pas aktakuzës së Trump në qershor në çështjen e dokumenteve të klasifikuara tha se ish-presidenti “do të kontrollonte Departamentin e Drejtësisë” nëse rizgjidhej duke shtuar se nëse çështja e dokumenteve ishte në pritje në atë kohë ai thjesht “do ta pushonte çështjen”.

I pyetur për aktakuzën e fundit, avokati mbrojtës i Trump, John Lauro u shpreh se ai mendon se një gjyq i mundshëm mund të zgjasë 9 muaj ose një vit.

Lauro tha se do t’i duhet të shohë provat, por se klienti i tij meriton aq kohë sa çdo amerikan tjetër.

“Çdo person i vetëm në Shtetet e Bashkuara ka të drejtë për një proces të rregullt, duke përfshirë edhe ish-presidentin,” tha ai, transmeton CNN. 

A mund të votojë Trump nëse dënohet?

Nëse Trump dënohet për një krim në nivel federal ose në Nju Jork, atij do t’i ndalohet të votojë në shtetin e tij të Floridës, të paktën derisa të kryejë dënimin e mundshëm.

/rtsh.al/b