Në mbledhjen e sotme, Këshilli i Ministrave miratoi vendimin "Për lirim dhe emërim në detyrë", përmes të cilit z.Shpëtim Gjika lirohet nga detyra e prefektit të qarkut të Vlorës dhe nÃ

Në mbledhjen e sotme, Këshilli i Ministrave miratoi vendimin "Për lirim dhe emërim në detyrë", përmes të cilit z.Shpëtim Gjika lirohet nga detyra e prefektit të qarkut të Vlorës dhe në këtë detyrë emërohet z.Bashkim Habilaj.

Z.Shpëtim Gjika, deri tani Prefekt i qarkut Vlorë, lirohet nga detyra e Prefektit, pasi është zgjedhur Kryetar i Bashkisë Vlorë, në zgjedhjet vendore të 12 tetorit 2003.

Z.Bashkim Habilaj, i cili është emëruar Prefekt i qarkut Vlorë, është i datëlindjes 1955. Ai ka mbaruar Fakultetin e Inxhinierisë, Dega Mekanike, në vitin 1979. Gjatë kësaj periudhe ka punuar në sektorin e naftës. Në vitet 1997-2000 ka punuar si Drejtor Teknik në ARMO Sh.A. Fier. Në vitin 2003 është rizgjedhur anëtar i Këshillit të Qarkut Vlorë.