Në plan të parë sigurimi nga aksidentet dhe shëndeti
28/03/2011 Tregu u dominua nga sigurimet e jo-jetës edhe në janar - shkurt 2011
Duket se sigurimi nga aksidentet personale dhe shëndeti ka qenë në plan të parë të vëmendjes gjatë muajve të parë të këtij viti. Raporti i Autoritetit të Mbikëqyrjes Financiare bën me dije se treguesi i të ardhurave nga sigurimet e aksidenteve personale dhe shëndetit gjatë periudhës janar-shkurt 2011, të cilat përfshihen në sigurimet vullnetare arriti në rreth 168 milionë lekë. Kjo shifër është rritur me 202.13 për qind në krahasim me janar-shkurtin e vitit 2010. Peshën më të madhe e mbajtën sigurimet e shëndetit me rreth 89.18% të të ardhurave të këtij grupi. Primet nga sigurimet e jetës gjatë periudhës janar-shkurt 2011 arritën 202 milionë lekë, ose rreth 64.18% më shumë se janar-shkurti i vitit të kaluar. Megjithatë, muajt e parë të vitit nuk sollën ndonjë ndryshim të dukshëm sa i përket ndarjes së tregut të sigurimeve në vendin tonë. Ai mbeti sërish i orientuar drejt sigurimeve të jo-jetës, me rreth 86.26 për qind të vëllimit të përgjithshëm të primeve, duke i lënë sigurimet e jetës me rreth 13.74 për qind. Raporti i AMF-së bën të ditur se të ardhurat nga primet e sigurimit, në periudhën janar-shkurt 2011, arritën rreth 1,471 milionë lekë, ose 6.60% më shumë se në të njëjtën periudhë të vitit të kaluar. Gjatë periudhës janar-shkurt 2011 numri i kontratave të sigurimit të lidhura arriti në 189,958 duke pësuar dyfishim krahasuar me periudhën janar-shkurt 2010. Parë nga këndvështrimi i ndarjes së tregut sipas llojit të sigurimit i detyrueshëm dhe vullnetar, primet e shkruara bruto të sigurimit vullnetar zënë 58.14% dhe primet e shkruara bruto të sigurimit të detyrueshëm motorik zënë 41.86% të totalit.
Sigurimi vullnetar
Primet e sigurimit vullnetar arritën në 855 milionë lekë, ose 5.41% më shumë, me një trefishim të numrit të kontratave të sigurimit. Në portofolet e pronës, përgjegjësive, garancive me të ardhura rreth 392 milionë lekë në total, vendin e parë e zunë zjarri dhe rreziqet shtesë, me rreth 45.24%, të pasuara nga sigurimi i përgjegjësive të përgjithshme civile me rreth 23.34%. Në portofolin “Zjarri dhe rreziqet shtesë” ka rritje 26.92% në numrin e kontratave të sigurimit dhe ulje 2.83% të volumit të primeve të shkruara bruto të këtij portofoli.
Duket se sigurimi nga aksidentet personale dhe shëndeti ka qenë në plan të parë të vëmendjes gjatë muajve të parë të këtij viti. Raporti i Autoritetit të Mbikëqyrjes Financiare bën me dije se treguesi i të ardhurave nga sigurimet e aksidenteve personale dhe shëndetit gjatë periudhës janar-shkurt 2011, të cilat përfshihen në sigurimet vullnetare arriti në rreth 168 milionë lekë. Kjo shifër është rritur me 202.13 për qind në krahasim me janar-shkurtin e vitit 2010. Peshën më të madhe e mbajtën sigurimet e shëndetit me rreth 89.18% të të ardhurave të këtij grupi. Primet nga sigurimet e jetës gjatë periudhës janar-shkurt 2011 arritën 202 milionë lekë, ose rreth 64.18% më shumë se janar-shkurti i vitit të kaluar. Megjithatë, muajt e parë të vitit nuk sollën ndonjë ndryshim të dukshëm sa i përket ndarjes së tregut të sigurimeve në vendin tonë. Ai mbeti sërish i orientuar drejt sigurimeve të jo-jetës, me rreth 86.26 për qind të vëllimit të përgjithshëm të primeve, duke i lënë sigurimet e jetës me rreth 13.74 për qind. Raporti i AMF-së bën të ditur se të ardhurat nga primet e sigurimit, në periudhën janar-shkurt 2011, arritën rreth 1,471 milionë lekë, ose 6.60% më shumë se në të njëjtën periudhë të vitit të kaluar. Gjatë periudhës janar-shkurt 2011 numri i kontratave të sigurimit të lidhura arriti në 189,958 duke pësuar dyfishim krahasuar me periudhën janar-shkurt 2010. Parë nga këndvështrimi i ndarjes së tregut sipas llojit të sigurimit i detyrueshëm dhe vullnetar, primet e shkruara bruto të sigurimit vullnetar zënë 58.14% dhe primet e shkruara bruto të sigurimit të detyrueshëm motorik zënë 41.86% të totalit.
Sigurimi vullnetar
Primet e sigurimit vullnetar arritën në 855 milionë lekë, ose 5.41% më shumë, me një trefishim të numrit të kontratave të sigurimit. Në portofolet e pronës, përgjegjësive, garancive me të ardhura rreth 392 milionë lekë në total, vendin e parë e zunë zjarri dhe rreziqet shtesë, me rreth 45.24%, të pasuara nga sigurimi i përgjegjësive të përgjithshme civile me rreth 23.34%. Në portofolin “Zjarri dhe rreziqet shtesë” ka rritje 26.92% në numrin e kontratave të sigurimit dhe ulje 2.83% të volumit të primeve të shkruara bruto të këtij portofoli.