Nene e bije mbyten ne rezervuar
Malesi e Madhe-Nje ngjarje teper e rende ka ndodhur mbremjen e se premtes ne fshatin Vorfe, te komunes Gruemire ne Malesine e Madhe. Nene e bije kane humbur jeten tragjikisht, ku jane mbytur ne rezervuarin qe ndodhej jo shume larg baneses se tyre. Ngjarja me pasoja fatale per dy pjesetaret e familjes Hykaj, ka ndodhur kur sapo kishte rene erresira. Mesohet se vajza e vogel 9-vjecare Esmeralda Hykaj, ka shkuar ne rezervuar per t’i dhene uje lopes. Duke qene se sapo kishte rene mbremja, ajo nuk ka pare se ku ka shkelur dhe ka rreshqitur duke rene brenda ne rezervuar. Ne kete moment nena e saj 39-vjecare, Nexhmije Hykaj, e cila ka pare renien e te bijes, per shkak se rezervuari ndodhej prane baneses se tyre, ka shkuar menjehere per te ndihmuar vajzen, por duke qene se nuk dinte te notonte, ujerat e kane marre me vete dhe eshte mbytur bashke me te bijen. Edhe pse kane thirrur per ndihme, zerat nuk jane degjuar nga askush. Mbytja mendohet te kete ndodhur brenda pak minutave. Disa ore me pas, familjaret duke pare mungesen e gjate te gruas dhe vajzes ne shtepi, kane nisur te kerkojne rreth shtepise, por kur jane afruar nga rezervuari kane pare trupat e pajete te tyre mbi uje. Menjehere jane lajmeruar forcat e policise se Malesise se Madhe, te cilat kane shkuar ne vendngjarje. Rreth ores 22.00 te mbremjes, ato kane konstatuar mbytjen e dy viktimave, trupat e te cilave jane nxjerre me pas ne breg. Nga burimet e para te eksperteve te policise, te cilet po kryejne hetimet ne vendngjarje mesohet se mbytja e tyre ka qene aksidentale. Mesohet se 9-vjecarja, Esmeralda Hykaj, ishte vajza e pare dhe e vetme e ciftit Hykaj nga fshati Vorfe. Trupat e pajete te nene e bije, i jane nenshtruar ekzaminimeve mjeko-ligjore, qe kane vertetuar faktin se mbytja e tyre ka qene aksidentale. Mes dhimbjes per vdekjen e parakohshme te tyre, pasditen e djeshme, ato jane percjelle per ne banesen e fundit. Ndersa pas pas kryerjes se veprimeve te duhura procedurale dhe materialet per kete ngjarje i kaluan Prokurorise se Rrethit Gjyqesor Shkoder, per veprime te metejshme.