Nexhat Daci uron Berishën për fitoren

Kryetari i Lidhjes Demokratike të Dardanisë, Nexhat Daci i uroi kryetarit të Partisë Demokratike dhe kryeministrit Sali Berisha, fitoren në zgjedhjet parlamentare të mbajtura më 28 qershor. Në telegramin e urimit të kryetarit Daci, theksohet se fitorja ka vlerën më të madhe pasi është arritur në një proces shumë të mirë, transparent dhe demokratik zgjedhor, i cili ka plotësuar shumicën e standardeve më të larta demokratike. Duke theksuar kontributin e madh të kryeministrit Berisha dhe PD-së, në ndryshimet e mëdha pozitive që kanë ndodhur në Shqipëri nga viti 2005, Daci shprehu bindjen se me këtë fitore Shqipëria do të bëjë hapa të mëtejme që pas anëtarësimit në NATO.