Neymar duhet të luajë në Evropë

Selektori i Brazilit, Mano Menezes, ka këshilluar yllin e Santosit, Neymar të transferohet në një skuadër evropiane në mënyrë që të përgatitet sa më mirë për Kampionatin botëror 2014.

Sulmuesi 20 vjeç është objektiv i gjigantëve të futbollit evropian përfshirë Real Madrid dhe Barcelona.

“Për zhvillimin e tij është me rëndësi të fitojë më tepër respekt dhe për të do të ishte me rëndësi të transferohet në Evropë” tha Menezes. Neymar, por edhe klubi i tij Santos kanë insistuar se sulmuesi nuk do të largohet para Botërorit 2014.