Nga Rusia: Milani ka blerë Krasniç
Milani ka filluar manovrat e mëdha në merkato. Pasi kanë përgatitur terrenin për afrimin e Luka Tonit, në rrugën "Turati" duket se kanë siguruar shërbimet e mbrojtësit të djathtë, Milos Krasiç. Mediat ruse theksonin se kuqezinjtë kanë arritur marrëveshjen me CSKA-në e Moskës për 24-vjeçarin me kombësi serbe: Milani do të paguajë 15 milionë euro për Krasiç. Lojtari pranoi pa hezituar kontratën që e lidh në "San Siro" për tri vitet e ardhshme (me opsion për të rinovuar një vit), me rrogë sezonale 2.5 milionë euro neto.