Ngjela thirrje Topit: Mbro popullin tend

Deputeti Spartak Ngjela ka hedhur akuza te renda ndaj kryeministrit duke e akuzuar ate se ka lidhje me njerez qe jane rrezik per sigurine kombetare te vendit. Ai ka theksuar se ne nje vend normal demokrat nje kryeminister i gjendur ne nje situate te njejte me kryeministrin tone, “do te jepte doreheqjen”.

Ai i ka bere thirrje presidentit te Republikes qe “te marre masa te mbroje popullin e tij”. “President, te ka ardhur koha per te mbrojtur popullin, pasi ne nje situate te tille duhen burra!”, tha Ngjela.

Ai tha se mocioni per debat ne radhe te pare i drejtohet prokurores se pergjithshme, Ina Rama. “Nuk ka gje me te rende per nje kryeminister qe ka kryer nje krim dhe per te eshte kapur... Ne nuk kemi asnje shprese ne keto momente kur jemi perballe nje procesi penal. Ky debat i drejtohet Prokurores se Pergjithshme”, eshte shprehur Ngjela.

Ai ka hedhur akuza ndaj ministrit te Drejtesise dhe atij te Brendshem se po perpiqen te pengojne hetimin e ceshtjes se Gerdecit.

“Ku e gjen te drejten nje minister i Drejtesise dhe nje i Brendshem te pengoje hetimet e Prokurorise vetem se po heton veprimet e kryeministrit te tij. Ku e gjen te drejten nje kryeminister te ftoje ne nje mbledhje te sigurise nje njeri qe eshte rrezik per shtetin?”, deklaroi Ngjela.

Ai ka akuzuar mazhorancen se po devijon qellimin e vertete te debatit duke folur per arritjet e ministrive dhe qeverise.