Ngricat në veri, vështirësi në qarkullim

 Qarkullimi në akset në veri të vendit po bëhet me vështirësi për shkak të ngricave dhe borës që kanë përfshirë zonën në 24 orët e fundit.

Probleme janë hasur mëngjesin e sotëm në akset Pukë-Fushë Arrëz, Qafë e Malit – Kukës dhe Qafë Mali-Bajram Curri, ku akoma nuk është ndërhyrë për të normalizuar situatën.

Përveç borës dhe ngricave, një tjetër problem me të cilin janë përballur sot drejtuesit e automjeteve që lëvizin në disa prej këtyre akseve ka qenë edhe mjegulla e dendur.