Ngushëllohet Ibra, blen një ishull

Zlatan Ibrahimoviç ka-loi një moment të keq në Kampionatin Europian, ndërsa Suedia u eliminua që në fazën e grupeve. Futbollisti ka qenë tepër i inatosur me shokët e tij dhe madje nuk i kurseu fjalët e ashpra ndaj tyre. Megjithatë, kapiteni i Suedisë ka gjetur një mënyrë se si të gjejë ngushëllim, duke  blerë ishullin e Davensos, në liqenin Malaren, në perëndim të kryeqytetit suedez të Stokholmit. Në këtë mënyrë ai ka mundësi që ti dedikohet plotësisht pasionit të tij të preferuar, gjuetisë. Ishulli i blerë nga Ibrahimoviç ka një sipërfaqe prej 500 hektarësh. Aty ka shumë drerë dhe derra të egër, dhe kjo është ajo që Ibra kërkon të bëjë në kohën e lirë. Për më tepër që mund të merret edhe me peshkim, pasi peshqit nuk mungojnë në ishull. Stërvitja me kuqezinjtë do edhe disa javë të fillojë, kështu që lojtari i djajve ka mundësinë që të kalojë disa kohë më familjen e tij dhe të dëfrehet duke bërë gjueti.

Arbitri Kasai: Goli?  Gabova, jam i zhgënjyer
Gjyqtari Viktor Kasai mori shumë kritika gjatë këtij Europiani, pasi nuk quajti një gol të Ukrainës, që mund të çonte rezultatin me Anglinë 1-1 e mund të ndryshonte fatin e ndeshjes. E për këtë arsye arbitri hungarez e pranoi se kishte bërë gabim dhe kërkoi falje për këtë gjë. Por, ai shpjegoi se është e vështirë që të bëhet siç duhet puna e tij. Pas ndeshjes ne pamë imazhet filmike dhe bëmë një vlerësim të situatës. E kuptuam menjëherë që gabuam. Por, për fat të keq, puna jonë është mizore. Një gjyqtar mund të japë 199 vendime pozitive e mund të bëjë vetëm një gabim për të cilin do mbahet mend gjatë për keq. Jemi të zhgënjyer për këtë gjë, por nuk mund të kthehemi dot mbrapa, tha Kasai.