Nikol Sherzinger dëshiron të martohet me Levis Hamilton

Si një pilot i suksesshëm i Formula 1, Levis Hamilton njihet si simbol i shpejtësisë ekstreme. Por e dashura e tij Nikol Sherzinger nuk ka të njëjtin mendim lidhur me këtë çështje. Sipas saj, ai po vepron shumë ngadalë në lidhjen sentimentale dhe nuk po i propozon për martesë. “A do të doja të martohesha? Sigurisht që po dhe pjesëtaret e grupit tim (Pussycat Dolls) mund të bëhen shoqërueset e mia. Por më parë duhet të fejohemi”,- është shprehur Sherzinger për revistën prestigjoze “Hello” në të cilën ëhstë përdorur si titul një nga thëniet e saj “Qershori do të ishte momenti ideal...”. Këngëtarja edhe më herët ka shprehur dëshirën për ta bërë këtë lidhje më serioze pasi duket se vërtet është dashuruar me kampionin e Formula 1. Nëse Nikol dhe Levis do të martohen, nuk na mbetet veçse t’u urojmë shumë fat dhe dashuri në të ardhmen.

21 Maj 2009