Nis gara “Apollon 2008”
Nis në qytetin e Fierit edicioni i shtatë i festivalit mbarëkombëtar të aktrimit “Apollon 08”.
Nga data 12 deri në 18 maj, artdashësit fierakë do të kenë mundësinë të shijojnë lojën e aktorëve të tetë trupave pjesëmarrëse në këtë eveniment. Pjesët më të spikatura dhe aktorë të njohur të skenës shqiptare, do të garojnë midis tyre për të fituar edhe çmimin e madh, i cili do të jepet mbrëmjen e 17 majit në mjediset e odeonit madhështor të qytetit antik të Apolonisë. E para që ka çelur garën, ka qenë trupa e Fierit, me një nga pjesët e saj më të fundit me regjinë e Dhimitër Orgockës, drama “Fqinjët” e shkruar nga Ruzhdi Pulaha. Pas saj, aktorët profesionistë të trupës së Pejës kanë interpretuar veprën “Përplasja”, me autor dhe regji të Ekrem Kryeziut. m.r
Nga data 12 deri në 18 maj, artdashësit fierakë do të kenë mundësinë të shijojnë lojën e aktorëve të tetë trupave pjesëmarrëse në këtë eveniment. Pjesët më të spikatura dhe aktorë të njohur të skenës shqiptare, do të garojnë midis tyre për të fituar edhe çmimin e madh, i cili do të jepet mbrëmjen e 17 majit në mjediset e odeonit madhështor të qytetit antik të Apolonisë. E para që ka çelur garën, ka qenë trupa e Fierit, me një nga pjesët e saj më të fundit me regjinë e Dhimitër Orgockës, drama “Fqinjët” e shkruar nga Ruzhdi Pulaha. Pas saj, aktorët profesionistë të trupës së Pejës kanë interpretuar veprën “Përplasja”, me autor dhe regji të Ekrem Kryeziut. m.r