Nis konfrontimi Medvedev-Putin

Dy politikanet kryesore ne Rusi, Presidenti Dmitry Medvedev dhe kryeministri Vladimir Putin, duket se gjithnje e me shume paraqesin dy pole te epiqendres politike ruse, qe kane filluar te largohen nga njeri-tjetri, shkruan "Financial Times". Gazeta ve ne pah se Medvedev, para do kohe, ka kritikuar qeverine, duke mos apostrofuar Putinin, per ngathtesi ne miratimin e vendimeve qe kane te bejne me krizen ekonomike. Ne kete kontekst, Presidenti i Rusise, Dmitry Medvedev, ka thene se ngadalesia e qeverise eshte e papranueshme dhe se kjo eshte deshmi e "paaftesise se saj per te miratuar vendime me kohe", shkruan "Financial Times". Kjo eshte hera e dyte, qe brenda dy muajsh Medvedev kritikon qeverine. "Financial Times" citon disa analiste te kene thene se me keto veprime, Medvedevi, qe deri tani ishte nen hijen e Putinit, sinjalizon se synon te lirohet nga varesia e tij dhe te jete me i pavarur, ne miratimin e vendimeve per drejtimin e vendit.