Nis lufta për Kupë

Në këtë mesjavë do të zhvillohet rrethi i parë i Kupës së Kosovës në futboll, në kuadër të së cilit do të luhen nëntë ndeshje. Fituesi i këtij trofeu në edicionin e kaluar, Trepça ’89 llogaritet favorite absolute për ta kaluar këtë fazë, ngase të mërkurën në shtëpi do ta presë anëtarin e Ligës së Dytë të Grupit B, Rilindjen.

Skuadra tjetër e fortë e Superligës, Drita do të luajë para shikuesve të vet në Gjilan, përballë anëtarit të Ligës së Parë, 2 Korrikut. Skuadrat e tjera të Superligës, Drenica, Llamkos Kosova, Vëllaznimi, Trepça e Ferronikeli kualifikimin në rrethin e dytë do ta kërkojnë kundër Arbneshëve, Ramiz Sadikut, Deçanit, Flamurtarit e Tefik Çangës.

Ndeshjet zhvillohen me sistem eliminimi. Nëse koha e rregullt e ndeshjes përfundon baras, zhvillohen dy parë vazhdime me nga 15 minuta. Por, nëse edhe atëherë nuk ka fitues, triumfuesi do të përcaktohet nëpërmjet gjuajtjeve të penaltive.

Ndërsa Prishtina, Hajvalia, Besa, Hysi, Liria, Istogu, Fushë Kosova, e Ferizaj janë kualifikuar pa lojë në rrethin e dytë, ngase kundërshtarët e tyre kishin heq dorë nga lufta për këtë trofe.

Kupa e Kosovës – Rrethi i parë

E mërkurë

Drenica – Arbneshët

Drita – 2 Korriku

Ulpiana – Gjilani

Flamurtari – Trepça

Trepça ’89 – Rilindja

Deçani – Vëllaznimi

R. Sadiku – Ll. Kosova

E enjte

Ferronikeli – Tefikçanga

Të gjitha ndeshjet fillojnë në ora 13:00