Një pacient kërcen nga kati i tretë
Nga Express më 19 korrik 2011 në ora 13:48
Një pacient i spitalit në pjesën veriore të Mitrovicës ka vdekur sot në mëngjes, duke u hedhur nga kati i tretë i ndërtesës, raporton Tanjugu, duke u thirrur në burime nga Qendra Spitalore e këtij qyteti të Kosovës.
Sipas kësaj agjencie serbe të lajmeve, Policia e Kosovës ka mbërri në vendin e ngjarjes, ku po heton rrethanat
Shefi i repartit të internistikës, Maks Fajertag, deklaroi se ngjarja, në të cilën humbi jetën një 74-vjeçar, ka ndodhur sot në mëngjes, rreth orës 8 e 30 minuta.
Sipas Fajertagut pacienti vuante nga kanceri i mushkërive.
Nuk është dhënë identiteti i të vetëvrarit.