Nje vit praktike pas diplomimit

Të gjithë mjekët, inxhinierët, arkitektët, avokatët, mësuesit dhe infermierët pas diplomimit në nivelin bachelor dhe master, duhet të kryejnë praktikën profesionale për të cilën zëvendës-ministrja e Arsimit Nora Malaj sqaron se ajo është një vit dhe se praktikantit i paguhen sigurimet shëndetësore dhe ato shoqërore e kjo kohë, atij i njihet si vjetërsi pune.

Për këtë, praktikanti duhet të regjistrohet tek urdhri përkatës i cili i siguron atij që praktika të kryhet nën drejtimin e një profesionisti që ushtron këtë profesion prej jo më pak se tre vjetësh i cili vlerëson dhe përgatitjen teorike-praktike të të riut e i hap atij rrugën për t’ju nënshtruar provimit të shtetit hapit të fundit që duhet kaluar për të filluar punë.

Përjashtohet nga detyrimi për kryerjen e praktikës profesionale çdo individ i cili provon se për një periudhë të caktuar dhe në përputhje me kriteret specifike të një profesioni të rregulluar gjatë angazhimit të tij brenda apo jashtë vendit, angazhimi i tij i ka dhënë mundësi të përvetësojë një përvojë profesionale.