Nocerino, përforcim me fat
Milan ka pranuar se ishte me fat që transferoi mesfushorin Antonio Nocerino nga Palermo gjatë afatit kalimtar të verës.
Nocerino realizoi het-trik në fitoren 4-1 ndaj Parmës të mërkurën dhe është aktualisht golashënuesi më i mirë i Milanit në Serie A me katër gola.
“Nocerino ishte përforcim me fat. Kur jam njoftuar se Palermo ishte i gatshëm ta shesë Nocerinon, kam bërë ofertë për të, e ajo u konsiderua e ulët. Nuk u dorëzova dhe në fund situata u zhbllokua” tha nënkryetari i Milanit, Adriano Galliani.
Nocerino i kushtoi Milanit vetëm 500 mijë euro.