Nuk dihet vendndodhja e 200 mostrave të dyshuara me H1N1

Megjithëse ka kaluar më shumë se një muaj dërgimi i këtyre mostrave për përgjigje, ISHP dhe Ministria e Shëndetësisë bën të ditur se ato nuk kanë mbërritur në Bukuresht për analizat nevojshme. Ndërkohë, asnjë informacion nuk mund të jepet për vendndodhjen e tyre aktuale.     

ISHP dhe Ministria e Shëndetësisë nuk bëjnë të ditur se për sa kohë do të zgjasë kjo situatë dhe se si do të zgjidhet pasi këto 200 raste të dyshuara presin konfirmimin e laboratorit nëse janë apo jo me gripin e derrit.

Në vendin tonë deri tani janë konfirmuar 32 raste të tipit A me virusin e rrezikshëm, por mjekët theksojnë se mund të ketë dhe raste të tjera që kanë shpëtuar pasi mund kenë qenë të lehta dhe janë trajtuar në shtëpi. Gjithsesi, specialistët e shëndetësisë bëjnë të ditur se vjeshta mbetet stina kur situata do të përkeqësohet.