Nuk mund të mbyllim puset pa siguruar ujë

Shumë nga krerët e komunave të rrethit të Fierit nuk dinë që ekziston një ligj për hapjen e puseve dhe përdorimin e tyre nga fshatarët. Të pyetur nga gazeta “Shqip” në lidhje me nismën e Komunës Mbrostar, homologët e kryekomunarit Vait Baçja kanë shprehur habi. “Ne nuk u sigurojmë dot ujin, si do t’u ndalojmë edhe atë që e kanë arritur me mundin e tyre?! Nuk bëhet fjalë për një gjë të tillë. Kur të dalë në gjithë vendin me urdhër të formës së prerë atëherë do të ndërhyjmë edhe ne”, tha një kryetar komune.