OBSH: Shtim i rasteve të gripit të derrave

Organizata Botërore e Shëndetësisë raportoi gjatë ditës së shtunë për 3440 raste të konfirmuara të gripit të derrave në 29 shtete të botës dhe 48 të vdekur prej kësaj sëmundjeje. Ndërkaq, sekretari britanik për shëndetësinë tha të premten se Agjencia Britanike e Mbrojtjes së Shëndetit ka arritur të zbërthejë tërësisht kodin gjenetik të këtij virusi, gjë që konsiderohet edhe si hapi i parë për prodhimin e një prototipi vaksine të efektshme kundër tij.