OKB shton ushtarët në Bregun e Fildishtë

Kombet e Bashkuara planifikojnë dërgimin e deri 2000 ushtarëve të tjerë helmet-kaltër në Bregun e Fildishtë.

Shefi i misionit paqësor të Kombeve të Bashkuara në Bregun e Fildishtë, Alain Le Eoy, njoftoi në New York se do të kërkojë gjatë ditëve të ardhshme nga Këshilli i Sigurimit, shtimin e trupave në Bregun e Fildishtë.

Aktualisht në vend janë stacionuar 10 mijë ushtarë të OKB-së.

Presidenti i deritanishëm, Laurent Gbagbo, refuzon të tërhiqet nga ky post, edhe pse ka humbur në zgjedhjet e fundit presidenciale. Ai po mbështetet dhe nga forcat e sigurisë, të cilat kanë sulmuar simpatizantët e kandidatit opozitar Alassane Ouattara.

Ai ka fituar zgjedhjet dhe është njohur si president legjitim prej bashkësisë ndërkombëtare.