OSBE mbështet financiarisht verifikimin e listave
20/04/2005 Bashkëkryetarët e komisionit parlamentar marrin mbështetjen e Vaçek për grupet e punës
Bashkëkryetarët e Komisionit të Posaçëm parlamentar kanë zhvilluar dje një takim me kryetarin e prezencës së OSBE-së në Shqipëri, Pavël Vaçek, ku kanë siguruar mbështetje për financimin e grupeve të punës, që do të merren me verifikimin e listave të zgjedhësve. Opozita në këtë takim është përfaqësuear nga nënkryetari i Grupit parlamentar të PD-së, Jemin Gjana, ndërsa Partia Socialiste nga bashkëkryetari i komisionit, Elmaz Sherifi. Pas takimit, Gjana u shpreh se problemi i verifikimit listave të zgjedhësve nuk qëndron te financimi i këtij procesi, por te vullneti politik i maxhorancës për të penguar punën e komisionit parlamentar të ngritur për këtë qëllim. “Me sa duket, janë duke u harmonizuar tërë elementët që do të bëjnë të mundur ngritjen e këtyre grupeve të punës. Nuk është problem financimi pengesa kryesore në këtë çështje besoj unë. Problemi qëndron te vullneti politik i maxhorancës për të penguar komisionin që të ushtrojë punën për të cilën është ngritur”, tha Gjana. Mbështetjen e OSBE-së për këtë çështje e ka konfirmuar edhe bashkëkryetari i komisionit parlamentar Elmaz Sherifi, i cili pohon se së shpejti do të fillojë puna për verifikimin e regjistrimit të zgjedhësve në lista. “Kemi diskutuar dhe me ministrin e Pushtetit Vendor dhe të Decentralizimit si dhe me ambasadorin Vaçek për të gjetur mundësitë e bashkëpunimit me të tërë grupet e punës dhe menjëherë të fillojë kontrolli i listave në njësitë e qeverisjes vendore sipas programit të paraqitur”, tha Sherifi. Në të gjithë vendin do të ekzistojnë 41 grupe pune që në bashkëpunim me drejtuesit e pushtetit lokal do të verifikojnë problemet në listat e zgjedhësve si dhe do të kërkojnë riparimin e tyre. Grupet e punës do të raportojnë pranë komisionit të posaçëm parlamentar të ngritur për këtë qëllim. Ky proces do të përfundojë më 15 maj të këtij viti.
Bashkëkryetarët e Komisionit të Posaçëm parlamentar kanë zhvilluar dje një takim me kryetarin e prezencës së OSBE-së në Shqipëri, Pavël Vaçek, ku kanë siguruar mbështetje për financimin e grupeve të punës, që do të merren me verifikimin e listave të zgjedhësve. Opozita në këtë takim është përfaqësuear nga nënkryetari i Grupit parlamentar të PD-së, Jemin Gjana, ndërsa Partia Socialiste nga bashkëkryetari i komisionit, Elmaz Sherifi. Pas takimit, Gjana u shpreh se problemi i verifikimit listave të zgjedhësve nuk qëndron te financimi i këtij procesi, por te vullneti politik i maxhorancës për të penguar punën e komisionit parlamentar të ngritur për këtë qëllim. “Me sa duket, janë duke u harmonizuar tërë elementët që do të bëjnë të mundur ngritjen e këtyre grupeve të punës. Nuk është problem financimi pengesa kryesore në këtë çështje besoj unë. Problemi qëndron te vullneti politik i maxhorancës për të penguar komisionin që të ushtrojë punën për të cilën është ngritur”, tha Gjana. Mbështetjen e OSBE-së për këtë çështje e ka konfirmuar edhe bashkëkryetari i komisionit parlamentar Elmaz Sherifi, i cili pohon se së shpejti do të fillojë puna për verifikimin e regjistrimit të zgjedhësve në lista. “Kemi diskutuar dhe me ministrin e Pushtetit Vendor dhe të Decentralizimit si dhe me ambasadorin Vaçek për të gjetur mundësitë e bashkëpunimit me të tërë grupet e punës dhe menjëherë të fillojë kontrolli i listave në njësitë e qeverisjes vendore sipas programit të paraqitur”, tha Sherifi. Në të gjithë vendin do të ekzistojnë 41 grupe pune që në bashkëpunim me drejtuesit e pushtetit lokal do të verifikojnë problemet në listat e zgjedhësve si dhe do të kërkojnë riparimin e tyre. Grupet e punës do të raportojnë pranë komisionit të posaçëm parlamentar të ngritur për këtë qëllim. Ky proces do të përfundojë më 15 maj të këtij viti.