OSBE po punon per te rifilluar operacionet ne Bjellorusi

Organizata me e madhe per sigurine rajonale ne bote thote se po punon per te rifilluar operacionet ne Bjellorusi pas vendimit te debatueshem te ketij vendi per te anuluar mandatin e organizates.

Shefi i Organizates per Sigurine dhe Bashkepunimin ne Evrope ministri i Jashtem i Lituanise Audronius Azubalis tha ne nje deklarate sot se eshte thellesisht i shqetesuar nga vendimi i qeverise bjelloruse per te mos zgjatur mandatin e organizates ne Minsk.

Por ai shtoi se OSBE-ja ka filluar konsultimet jozyrtare me Bjellorusine dhe vende te tjera pjesemarrese ne OSBE per te gjetur nje marreveshje per te vazhduar operacionet.

Bjellorusia u perball me kritika te shumta nga Perendimi per vendimin e saj javen e kaluar per te mbyllur nje zyre lokale te OSBE-se pasi grupi kritikoi zgjedhjet e fundit presidenciale atje.

Ministria e Jashtme bjelloruse njoftoi vendimin e saj per te mos vazhduar operacionet e OSBE-se ne kryeqytetin e vendit pasi mandati i zyres kishte perfunduar.

Kjo mase pasoi nje vleresim te OSBE-se pas zgjedhjeve te 19 dhjetorit se Bjellorusia eshte ende shume larg zhvillimit te zgjedhjeve demokratike. Grupi tha se vezhguesit e zgjedhjeve vleresuan se numerimi i pothuajse gjysmes se votave ishte bere keq ose shume keq.