Obama kërkon "strategji dalëse" për Afganistanin

"Amerika duhet të ketë një
"strategji dalëse" nga Afganistani.
Kështu ka deklaruar
Presidenti amerikan, Obama, gjatë
një interviste televizive,
pavarësisht,
se sipas
tij, Uashingtoni
ka ndërmend që
të dërgojë trupa
shtesë në vendin
aziatik. Deklarata
e tij bëhet ndërsa
administrata po
përgatitet që të
shpallë planin
për ardhmërinë
e strategjisë në
Afganistan. Sipas
Obamës, parandalimi
i sulmeve
ndaj Shteteve
të Bashkuara të
Amerikës ishte
"misioni kryesor"
i operacioneve në
Afganistan. Aktualisht, marrëdhëniet
mes Obamës dhe Presidentit
Karzai ndodhen në pikën e tyre
më të ulët. I dërguari i posaçëm i
Shteteve të Bashkuara në Afganistan
dhe Pakistan, Riçard Hollbruk,
deklaroi se politika e re e vendit të
tij nuk do t‘i trajtonte
të dy vendet
veçmas. "Në të
shkuarën, Shtetet
e Bashkuara
kishin një politikë
të posaçme
për Afganistanin
dhe një për Pakistanin,
ndërkohë
që aktualisht ne
mendojmë që
t‘i integrojmë të
dyja dhe pjesa
tjetër e botës të
na bashkohet në
këtë përpjekje",
ka deklaruar ai.
Sipas tij, talebanët
kanë vende
të posaçme në
Pakistan, sidomos
në zonën e kufi rit dhe se koha kur
rajoni nuk konsiderohej si i rëndësishëm
ka përfunduar.