Zgjedhjet, kur lejohet ndërhyrja e komandove

Ministria e Mbrojtjes dhe ajo e Brendshme janë dy strukturat qeveritare që kanë të drejtë të urdhërojnë ndërhyrjen e forcave komando dhe ato të ushtrisë për të mbrojtur objektet e rëndësisë së veçantë gjatë periudhës së zgjedhjeve. Sipas vendimit të djeshëm të KQZ-së, dy ministritë duhet të paralajmërojnë KQZ-në 5 ditë para hyrjes në fuqi të këtij vendimi, kur bëhet fjalë për raste të planifikuara, ndërsa është e detyruar të informojë dhe dërgojë direkt urdhrin në KQZ, nëse ndodh për raste të veçanta. Fillimisht, anëtarja e PS-së në KQZ, Dëshira Subashi, e mbështetur dhe nga përfaqësuesi ligjor i kësaj partie, Genc Gjonçaj, kërkoi që afati të ishte dhjetë ditë para hyrjes në fuqi të vendimit, por më pas, me konsensus, palët ranë dakord për pesë ditë.