Obama ndryshon mendje: Fotot e abuzimeve s‘do publikohen

Presidenti amerikan, Barak Obama, ka ndryshuar mendje
në lidhje me publikimin e fotove në të cilat tregohen abuzimet
e bëra nga ushtarët amerikanë ndaj të burgosurve të
akuzuar për terrorizëm. Më parë, ai ishte në favor të publikimit
të tyre. Që nga dita e djeshme, Presidenti është i mendimit se
publikimi i fotove do ta vështirësonte shumë punën e ushtarëve
amerikanë në Irak dhe Afganistan. Sipas parashikimeve, fotot
duhet të publikoheshin në 28 maj.