Obelisku i eksodit të Kosovës, një gërmadhë ne mes të Kukësit

 

KUKES - Obelisku që  përkujton eksodin e mëse 500 mijë kosovarëve në vitin 1999 në Kukës, e më pas në disa qytete të Shqipërisë është drejt shkatërrimit. Ende i papërfunduar, ai ka nisur të shkatërrohet, të shkarravitet dhe për fat
të keq të shërbejë edhe si shesh për banjë publike. Punimet për ndërtimin e Obeliskut për përkujtimin e
këtij eksodi masiv nisën 6 vite më parë nga asosacioni “Eksod 99” me qendër në Mitrovicë. Por Obelisku
nuk përfundoi së ndërtuari, ndërkohë që nuk është bërë KUKES/ Kryebashkiaku: U zhdukën ndërtuesit kosovarë
Obelisku i eksodit të Kosovës, një gërmadhë ne mes të Kukësit transparenca se sa euro janë shpenzuar deri më tani
për ndërtimin e saj. Asosacioni, me paratë e shoqatave të komunave të Kosovës mori përsipër ndërtimin e
kësaj vepre për të përkujtuar mbijetesën e kombit shqiptar. Ideja u mirëprit që në fillim nga Bashkia e Kukësit, e cila pas kërkesës së bërë, siguroi sheshin e ndërtimit si dhe mjaft lehtësira ë tjera. Por që prej vitit  2002, punimet kanë nisur
dhe janë ndërprerë disa herë. Kryetari i Bashkisë së Kukësit, Hasan Halili, u shpreh se Obelisku po shkon drejt shembjes. Sipas tij, ndërtuesit, ndonëse morën sheshin e ndërtimit dhe lejen e tij, pasi nisën punimet humbën pa lënë as nam e as nishan. Mësohet se ndërtuesit nga Kosova nuk kanë paguar as punëtorët që kanë punuar. Ata u detyrohen atyre një shumë
prej 1 milion lekë të reja. Fillimisht u shfajësuan tek punëtorët, duke u thënë se do i paguanin sapo të derdhnin
paratë financuesit e kësaj vepre. Ndonëse kanë kaluar kaq vite, kjo vepër ka mbetur si një gërmadhë mes qytetit, ndërsa vendorët ende nuk kanë vendosur se si do të veprojnë me të.