"Operacioni me sukses per te dy pacientet"

Matilda Gode dhe babai i saj, te cilet iu nenshtruan operacionit per kryerjen e transplantit ne veshka jane ne gjendje te mire shendetesore, nje dite pas kryerjes se nderhyrjes kirurgjikale. Mjeket e pavijonit te Nefrologjise dhe Urologjise kane pohuar se te dy pacientet, kane reaguar pozitivisht pas kryerjes se operacionit. "Si Matilda ashtu edhe babai i saj, shfaqen shenja te mira klinike pas kryerjes se nderhyrjes kirurgjikale per transplantin e veshkes tek 20-vjecarja", ka pohuar shefi i Nefrologjise, Nestor Thereska. Sipas tij, gjate vitit 2009 parashikohen te kryhen 10 tansplante. I dyti parashikohet qe te jete ne muajin prill. Per sa i perket kostos se nje transplanti, ai shkon nga 20 deri ne 25 mije euro. Kurse sa i perket insuficences renale, jane rreth 350 paciente qe marrin sherbimin e dializes ne Shqiperi. "Realizimi i nje procedure te tille, varion ne shifra nga 20-25 mije euro ne vende afer, nesh deri ne 55-60 mije euro ne ato evropiane perendimore" eshte shprehur sekretari i Pergjithshem ne Ministrine e Shendetesise, Bardh Spahia. Sipas tij, jane mbi 100 paciente te rinj cdo vit, qe paraqesin nevoje per dialize.