Operohet Balotelli

Mario Balotelli i është nënshtruar një intervenimi kirurgjik në sy me laser në Brescia të Italisë, për t’i hequr pengesat që iu shfaqën kohëve të fundit.

Dhe, gjithçka ka shkuar mirë për sulmuesin e Manchester Cityt, i cili do të rikthehet në dispozicion të menaxherit Roberto Mancini, menjëherë pas pushimit të përfaqësueseve.

Kirurgu që e ka operuar sulmuesin italian, Emanuele Scuri siguron se pas 10 ditësh, ish futbollisti i Interit do të rikthehet në dispozicion të ekipit. “Ky operim do t’ia mundësojë Balotellit një kualitet të shkëlqyer vizual”, tha Scuri për Sky Sport 24.