Opozita proteston sot në Durrës

Opozita rinis protestat e saj nga qyteti bregdetar i Durrësit. Socialistët veç kërkesës për hapjen e kutive të votimit kërkojnë tani largimin e kryeministrit Berisha dhe zgjedhje të parakohshme .
Durrësi vlerësohet nga opozita si qyteti që po e pëson më shumë se të tjerët nga, sipas tyre, keqqeversja e Berishës me rritjen ndjeshme të çmimit të energjisë elektrike, kalimin e bizneseve të vogla në biznese të mëdha, rritjen e papunësisë dhe varfërisë për shkak të krizës ekonomike të cilën, sipas tyre, Berisha nuk e pranon, por e thellon.
Opozita planifikon t'i kulmojë protestat sërish me një miting përmbledhës në Tiranë më 21 dhjetor.