Opozitaret do te takohen zyrtarisht neser per te diskutuar

Opozitarët do të takohen zyrtarisht nesër për të diskutuar mbi çështjet kryesore që i shqetësojnë dhe për të dalë në një qëndrim të përbashkët dhe të koordinuar.

Në mesditë, pritet që kryesocialisti Edi Rama të takohet me aleatët e tij më të vegjël për të diskutuar mbi 3 tema kryesore.

Mesazhi që përcolli Bashkimi Europian përmes Progres-Raportit, përgjegjësitë dhe reflektimi që duhet të pasojnë këtë raport.

Temë tjetër e diskutimit do të jetë pakti prej 10 pikash i propozuar nga Edi Rama dhe në fund, çështja më kryesore që përmban qëndrimet e secilit prej politikanëve opozitarë, për reformën zgjedhore.

Kjo pikë pritet të marrë më shumë kohë edhe për shkak të interesit të drejtpërdrejtë që përmban për secilën nga partitë opozitare.