Optimizëm për formimin e qeverisë së Bosnjës

Disa liderë politikë të Bosnjës shprehën optimizmin lidhur me mundësinë e formimit së shpejti të një qeverie, në përfundim të bisedimeve dyditore të zhvilluara me diplomatë evropianë dhe amerikanë të rangut të lartë.

"Zyrtarë evropianë dhe amerikanë erdhën këtu për të na inkurajuar që të shfrytëzojmë rastin për arritjen e një kompromisi", deklaroi Dragan Covic, kryetar i Bashkimit Demokratik Kroat, HDZ, forca kryesore politike e kroatëve të Bosnjës.

Ai shtoi se është "i bindur" se një marrëveshje për formimin e institucioneve do të arrihet "deri në fund të javës së ardhshme".

Afro pesë muaj pas zgjedhjeve të përgjithshme të 3 tetorit, partitë politike boshnjake nuk kanë arritur të bien dakord për formimin e një qeverie qendrore, si rezultat i përçarjeve ndëretnike.