Organizatat e gazetareve ne Kosove reagojne kunder dhunes ndaj fotoreporterit

Ne Kosove organizatat e gazetareve jane shprehur te shqetesuara nga njoftimet per ushtrim dhune ndaj ndaj fotoreporterit Vedat Xhymshiti gjate nderhyrjes se policise per shperndarjen e protestave te levizjes Vetevendosje.

Unioni i Gazetareve te Kosoves njoftoi se kishte marre nje ankese nga fotoreporteri Xhymshiti ne te cilen ai deklaron se eshte goditur me shkop gome dhe eshte fyer nga ana e pjesetareve te njesise se posacme te policise se Kosoves dhe se per kete arsye ishte detyruar te kerkoje ndihme mjekesore.

Unioni i Gazetareve e te Kosoves nepermjet nje deklarate e denon ashper ate qe e quan akt brutal duke e cilesuar si kercenim te drejtperdrejte te policise ndaj lirise se fjales dhe punes se gazetareve ne pergjithesi ndersa bene thirrje per marrjen e masave ligjore ndaj autoreve.

Dhunen e ka denuar ashper edhe Asociacioni i Gazetareve Profesioniste te Kosoves i cili sic thuhet eshte duke e analizuar ne hollesi sjelljen e policise ndaj gazetareve fotoreportereve dhe kameramaneve gjate protestave te se shtunes.  Pengimi i punes se gazetareve eshte i papranueshem dhe cenon rende te drejten e qytetareve per tu informuar thuhet ne kumtesen e kesaj organizate.