Owen do të qëndrojë te United

Trajneri i Manchester Unitedit, Sir Alex Ferguson, ka qartësuar se sulmuesi Michael Owen nuk do të largohet në afatin kalimtar të janarit.

Që nga transferimi i tij në Old Trafford, Owen vazhdon të ketë probleme me dëmtimet, kështu që është spekuluar se Djajtë e Kuq nuk dëshirojnë ta mbajnë 31-vjeçarin në skuadër, mirëpo të kundërtën e thotë trajneri Ferguson.

“Njerëzit kanë harruar se çfarë lojtari i mirë është Michael. Ai ka kaluar një ankth të vërtetë me dëmtimet, por ai tani e meriton që t`i ndryshojë fati”, ka thënë Ferguson për Mail on Sunday, duke shtuar se nëse Owen qëndron në formë, atëherë ai ka një vend të rëndësishëm në skuadër.