PD: Kriza ne mendjen e Rames, Qeveria do te ece me projekte
Pas deklarates se kryesocialistit, zedhenesja e Partise Demokratike, Erla Mehilli, vleresoi se "pavaresisht krizes ne mendjen e Rames, Qeveria do te ece perpara me projektet e saj". Permes nje deklarate per shtyp, ajo tha se "Edvin Kristaq Rama hoqi petkat e "kryetarit te kutise" dhe u paraqit para shqiptareve si "kryetari i gropes dhe krizes" qe ka ne mendjen e tij". Sipas saj, vetem nje dite pasi kryeministri i vendit shpalli vendimin per rritjen e rrogave dhe pensioneve, Edvin Rama njelloj si nje vit me pare, u ngrit serish me forcen me te madhe kunder kesaj rritje. Zyrtarja e selise blu ne reagimin e saj, tha gjithashtu se kryesocialisti njelloj si 3 vjet me pare, qe u ngrit kunder Korridorit te Kombit Durres - Morine, u ngrit kunder Korridorit te Jugut dhe autostrades Tirane - Elbasan. "Pavaresisht nga vajet e krizes se Edvin Rames, Partia Demokratike permes qeverise se saj, eshte e vendosur te realizoje kete vit rritjen me te madhe te rrogave dhe pensioneve ne Evrope si dhe te filloje ndertimin pergjate ketij viti te vepres me te madhe te ndertuar ndonjehere nga shqiptaret, Korridorit te Jugut dhe segmentit te saj autostrades Tirane - Elbasan".