PS: Jemi gati te zgjidhim krizen, PD te bashkepunoje

Socialistet, menjehere pas deklarates se drejtorit per Zgjerim ne Komisionin Evropian, Pjer Mirel per tejkalimin e krizes politike, nuk jane vonuar per te deklaruar gatishmerine per dialog, duke i bere thirrje mazhorances te reflektoje. "I bejme thirrje PD qe t'i pergjigjet fteses se PS dhe kerkeses se partnereve tane nderkombetare qe ne seancen e mbetur ne daten 18 mars te punojme sebashku, per te gjetur zgjidhjen institucionale te krizes politike. Me 18 mars mazhoranca ka mundesine te tregoje gatishmerine e saj per t'i dhene nje zgjidhje krizes ne rruge parlamentare", ka deklaruar ne emer te PS, deputetja Vasilika Hysi. Sipas saj, Mirel solli ne vemendje te klases politike shqiptare rendesine qe ka zgjidhja e krizes politike dhe roli i Parlamentit, sidomos i komisionit te ligjeve ne kete proces. Teksa ka pershendetur perpjekjet qe kane bere dhe vazhdojne te bejne institucionet nderkombetare per zgjidhjen e krizes politike ne Shqiperi dhe integrimin ne familjen e madhe evropiane, Hysi eshte shprehur se "PS, si nje parti e pergjegjshme dhe e gatshme te zgjidhe krizen politike me mjete demokratike, mes institucioneve te tilla si Parlamenti dhe ne perputhje me standardet e percaktuara nga Kushtetuta, hyri ne Parlament dhe u angazhua seriozisht ne komisionin e ligjeve". Ajo ka kembengulur se PS hyri ne parlament jo per te bere nje formalitet, por ofroi mbeshtetje te fuqishme per Rezoluten e Kuvendit lidhur me liberalizimin e vizave dhe u angazhua seriozisht, profesionalisht dhe me nisma konkrete per te zgjidhur kete krize dhe cdo krize te mundshme ne te ardhmen, per shkak te mosrespektimit te standardeve te zgjedhjeve.
Per te, fryma e diskutimeve te perfaqesuesve te mazhorances ne Komisionin e Ligjeve tregon se mazhoranca kerkon te fitoje kohe dhe te tregoje se eshte per konsensus ne zgjidhjen e krizes, por nismat e PS eshte antikushtetuese. "Partia Socialiste i ben thirrje mazhorances dhe Parlamentit shqiptar qe te reflektoje, te vleresoje rendesine qe ka zgjidhja e krizes politike, te ofroje zgjidhjen e saj, duke i hapur rruge hetimit te zgjedhjeve dhe te kontribuojme se bashku ne dhenien fund te zgjedhjeve me standarde te kufizuara dhe qe cenojne vullnetin e zgjedhesve shqiptare", deklaroi Hysi. Ajo ka nenvizuar se "PS i kerkon mazhorances dhe Parlamentit shqiptar qe konsensusin e dhene nga opozita dhe futjen e saj ne Parlament ta vleresojne si shprehje te pjekurise dhe gatishmerise se saj per zgjidhjen e krizes politike dhe jo si pasoje e presionit te bere nga nderkombetaret". Teksa ka pershendetur thirrjen e Mirel, drejtuar klases politike shqiptare per gjetjen e nje zgjidhje te krizes ne rruge parlamentare, Hysi ne emer te PS eshte shprehur se "se hyrja ne Parlament, dorezimi i propozimit per ngritjen e komisionit hetimor parlamentar me objekt hetimin e zgjedhjeve sipas kerkesave te bere nga pakica, si edhe pjesemarrja ne punimet e komisionit te ligjeve jane prova me e mire e vullnetit te PS per te gjetur nje zgjidhje te krizes politike permes institucioneve ne vend".